Halkara grafik dizaýn, media öndürüjiligi we emeli aň ekoulgamynda uly täzelik yglan edildi. Adobe kompaniýasy ChatGPT platformasy üçin özüniň professional döredijilik we resminama gurallaryny bir ýere jemleýän birleşdirilen Adobe goşundysyny (plugin) resmi taýdan hödürledi. Täze goşundy ChatGPT Work we Codex ulgamlarynda hem bökdençsiz işleýär.
70-den gowrak gural bir ýerde
Täze birleşdirilen Adobe goşundysy öň öndürilen aýratyn maksatnamalaryň ornuny tutup, 70-den gowrak professional guraly söhbetdeşligiň içine getirýär. Ulanyjylar Adobe Express, Photoshop, Firefly, Premiere, Acrobat, Lightroom, Illustrator, InDesign we Adobe Stock mümkinçiliklerinden göni chatyň içinde peydalanyp bilerler.
Goşundy arkaly amala aşyryp bolýan esasy işler:
Kampaniýa dizaýnlary: Ýüklenen suratlaryň ählisine bütewi stil bermek, “mockup” dizaýnlaryny taýýarlamak we taýýar faýllary Creative Cloud ulgamyna ýazdyrmak.
Wideo işlenmesi: Uzyn wideolary gysga reels hem-de YouTube Shorts formatlaryna awtomatiki öwürmek we montajlamak.
Resminamalar we Tablisalar: E-tablisalaryny we maglumat toplumlaryny professional PDF görnüşine, kataloga ýa-da infografika öwürmek.
Nädip ulanyp başlamaly?
ChatGPT ulanyjylary goşundylar (Plugins) bölüminden Adobe-ni goşup, täze söhbetdeşlikde @Adobe diýip ýazmak arkaly işe başlap bilerler. Myhman (guest) hökmünde adaty gurallary ulanyp bolýar, Adobe hasaby bilen girilende bolsa emeli aň generasiýasy we Creative Cloud faýllary doly açylýar.
