Google kompaniýasy, emeli aň (AI) agentleriniň web sahypalary bilen işlemegini düýbünden üýtgetjek täze “WebMCP” tehnologiýasyny hödürledi. Bu täzelik, internetiň geljegi hasaplanýan “Agentli Web” (Agentic Web) eýýamynyň ilkinji uly ädimi bolup biler.
WebMCP näme?
WebMCP (Web Model Context Protocol) – Google tarapyndan işlenip düzülen we emeli intellekt agentleriniň web sahypalary bilen “öz dilinde” gürleşmegini üpjün edýän täze standartdyr.
Häzirki wagtda emeli aň kömekçileri bir sahypada hereket etmek üçin edil adamlar ýaly HTML kodlaryny “okap”, düwmeleri we formalary gözleýärler. Emma sahypanyň dizaýnynda iň kiçijik üýtgeşme bolsa, bu ulgamlar azaşýar we işlemegini bes edýär. WebMCP bolsa bu kynçylygy aradan aýyrýar. Bu ulgam arkaly web sahypalary, dizaýnyndan garaşsyzlykda, agentlere öz gurluşyny we nähili hereketleri edip boljakdygyny gönüden-göni we anyk görkezýär.
Iki görnüşli täze ulgam
WebMCP sahypalara iki hili usul bilen AI goldawyny goşmaga mümkinçilik berýär:
- Deklaratiw (Ýönekeý): Doldurylmaly formalar we standart düwmeler üçin niýetlenen.
- Imperatiw (Çylşyrymly): JavaScript ulanyp, has çylşyrymly we yzygiderli hereketleri (meselem: bilet satyn almak, goldaw ýüzlenmesini döretmek) ýerine ýetirmek üçin.
Ulanyjylar üçin näme üýtgeýär?
Bu tehnologiýa Chrome brauzerine we Gemini emeli aňyna birikdirilende, ulanyjylar üçin internet has aňsatlaşar. Meselem, siz emeli aň kömekçisine “Maňa Aşgabatdan Stambula iň arzan biledi tap we bronla” diýeniňizde, ulgam muny sahypalarda azaşman, göni we ýalňyşsyz ýerine ýetirer.
Häzirki wagtda synag tapgyrynda bolan WebMCP, geljekde internetiň diňe adamlar üçin däl, eýsem emeli aňlar üçin hem amatly ýere öwrülmegini üpjün eder.
 agentleriniň web sahypalary bilen işlemegini düýbünden üýtgetjek täze "WebMCP" tehnologiýasyny hödürledi.){kind=link}