Dünýä belli “Fujitsu” kompaniýasy programma üpjünçiligini işläp düzmekde täze döwri başladýar. Kompaniýa 17-nji fewralda (bugün) kod ýazmak prosesini doly awtomatlaşdyrmaga gönükdirilen “AI-Driven Software Development Platform” atly täze ulgamyny köpçülige hödürledi.
Bu täze platforma diňe bir kod ýazmak bilen çäklenmän, taslamanyň dizaýnyny taýýarlamakdan başlap, ony synagdan (testden) geçirmeklige çenli bolan ähli tapgyrlary öz içine alýar. “Fujitsu” wekilleriniň aýtmagyna görä, bu emeli aň ulgamy “mikro-hyzmatlar” (microservices) arhitekturasyny ulanyp, uly göwrümli programma taslamalaryny gysga wagtyň içinde we ýokary hilli ýerine ýetirmäge ukyplydyr.
Ýerli programmaçylar we IT hünärmenleri üçin bu täzelik, geljekde kod ýazmak işiniň nähili özgerjekdigini görkezýän möhüm waka boldy. Ulgam işewürlik we bank ulgamlarynda ulanylýan çylşyrymly programmalary döretmekde adam güýjüne bolan zerurlygy azaltmagy maksat edinýär.
