Emeli aň dünýäsindäki bäsdeşlik gyzýar. Google, 55 dilde ýokary hilli terjime hödürleýän we Gemma 3 modeline esaslanýan täze TranslateGemma maşgalasyny tanyşdyrdy. OpenAI-yň ChatGPT Translate hamlesinden hemen soň gelen bu täzelik, terjime hilinde täze standartlary bellemäge gönükdirilen.
Google, açyk agramly (open-weights) Gemma 3 modeliniň binýadynda gurlan TranslateGemma atly täze terjime modelini yglan etdi. Türkmen, Iňlis, Ispan, Hytaý we Hindi dillerini hem öz içine alýan 55 dürli dili goldaýan bu model, diňe bir tekst terjimesi däl, eýsem öndürijiligi bilen hem ünsleri özüne çekýär.
Dürli wersiýa: Ykjamdan buluda çenli
Google, TranslateGemma-ny ulanyjylaryň enjamlaryna görä üç dürli ululykda hödürleýär. Bu wersiýalar diňe model ölçegi bilen däl, eýsem ulanylyş maksady bilen hem tapawutlanýar:
4B (4 Milliard Parametr): Ykjam enjamlar (telefonyňyzda internet ýok wagty hem işläp biljek derejede) üçin optimizirlenen.
12B (12 Milliard Parametr): Adaty noutbuklar we sarp ediji kompýuterleri üçin iň amatly wersiýa. Google-yň berýän maglumatlaryna görä, bu model WMT24++ synaglarynda esaslanylan uly Gemma 3 (27B) modelinden hem has ýokary netije görkezýär.
27B (27 Milliard Parametr): Iň güýçli wersiýa. NVIDIA H100 ýaly güýçli GPU-lary talap edýär we bulut (cloud) ulgamlary üçin niýetlenen.
ChatGPT Translate-den Näme Tapawudy Bar?
Bilşimiz ýaly, OpenAI ýaňy-ýakynda ChatGPT Translate aýratynlygyny işe girizipdi. Emma synaglar, OpenAI-yň guralynyň köplenç “terjimeçi lybasyna giren söhbetdeşlik roboty” ýaly hereket edýändigini görkezýär. Google TranslateGemma bolsa, gönüden-göni terjime arhitekturasy we model öndürijiligi (performance) boýunça ýöriteleşdirilip, has takyk we dogry netijeleri bermegi maksat edinýär.
Suratlardaky Ýazgylary Hem Okaýar
TranslateGemma diňe tekst bilen çäklenmeýär. Vistra benchmark barlaglaryna görä, model suratdaky tekstleri terjime etmekde hem, hatda muňa ýörite sazlanmadyk bolsa-da, uly üstünlik görkezýär.
Nädip Ulanmaly?
Öz taslamalarynda ulanmak isleýän döredijiler TranslateGemma modellerini Kaggle we Hugging Face platformalaryndan ýükläp alyp bilerler.
