Google kompaniýasy «EA-dan syn» (AI Overviews) we Geminä esaslanýan «Emeli aň tertibi» bölümlerinde gipersalgylanmalaryň görkezilişine üýtgeşmeler girizdi. Bu barada Google Search önümleri boýunça wise-prezidenti Robbi Steýn habar berýär. Karar gözleg trafiginiň peselýändigini belleýän saýt eýeleriniň tankytlaryndan soň kabul edildi.
Indi ulanyjy kursory salgylanmanyň üstüne getirende, çeşme sahypasynyň deslapky görnüşi hökmünde açylýan penjiräni görýär. Ykjam we desktop wersiýalarda geçiş indikatorlary öňküden-de has göze iliji edildi. Işläp düzüjiler täzelenen interfeýsiň köpçüligiň asyl çeşmelere bolan gyzyklanmasyny artdyrjakdygyna bil baglaýarlar.
Bilermenleriň aýtmaklaryna görä, neýroulgamdan taýýar jogap alandan soň, okyjylar başga resurslara giribem durmaýarlar. Hyzmatyň 2024-nji ýylyň maý aýynda işe girizilen gününden bäri, dürli neşirler korporasiýany salgylanmalary gizlemekde aýyplap gelýärdiler. 2025-nji ýylyň maýyna çenli emeli aň gysgaça maglumatlary ulanýanlaryň sany 1,5 milliard adama ýetdi.
Salgylanma boýunça geçişiň peselmegine iň iri media guramalaryna hem täsir etdi. Şunlukda The HuffPost bilen The Washington Post-uň trafigi iki esseden hem kän azaldy. Business Insider bolsa üç ýylyň içinde gözleg akymynyň takmynan 55%-ini ýitirdi.
2025-nji ýylyň iýulynda Garaşsyz neşirçileriň bileleşigi Ýewrokomissiýa şikaýat edip, mazmunyň gözleg algoritmlerinde bikanun ulanylýandygyny mälim etdi.
 we Geminä esaslanýan ....){kind=link}