Google kompaniýasy 2025-nji ýylda “Play Market” platformasynda hödürlenen iň gowy oýunlary we programmalary saýlady. Bu ýyllyk tejribe diňe bir işläp düzüjileriň üstünlikleriniň ykrar edilmegi däl-de, eýsem Android enjamlary ulanyjylar üçin maslahat hökmünde hyzmat edýär.
Ýylyň iň gowy programmasy
Ýylyň iň gowy programmasy adyna ulanyjylaryň dürli ýumuşlary ýerine ýetirmekde ünsi jemlemegine kömek edýän Henk Grinden Focus Friend taýmeri mynasyp boldy. Programmada Bean Friend atly gahryman bolup, onuň wirtual otagyny işleriňi üstünlikli tamamlandygyň üçin gazanylan predmetleriň kömegi bilen bezäp bolýar.
Ýylyň iň gowy oýny Pokémon kart oýnunyň wirtual görnüşi Pokémon TCG Pocket boldy. Oýun 2024-nji ýylyň oktýabrynda çykaryldy.
Mundan başga-da, Google iň gowy krossplatforma programmasy hökmünde Luminar surat redaktoryny saýlap, onuň redaktirlemek üçin emeli aňyň esasynda uly gurallar toplumynyň bolmagyna ýokary baha berdi. Iň gowy krossplatforma oýny Android-de we Windows-da elýeterli bolan Disney Speedstorm ýaryş oýny boldy.
Iň gowy güýmenje programmasy hökmünde Instagram-da wideo döretmek üçin Edits atly gural saýlandy.
Iň gowy gündelik gural kitaplaryň gysgaça mazmunyny berýän Wiser boldy.
“Gizlin dürdäne” kategoriýasynda dil öwrenmek üçin niýetlenen Pingo AI programmasy ýeňiş gazandy. Maşgala programmalary kategoriýasynda ABCmouse 2 tapawutlandy.
Şeýle-de, dürli žanrdaky iň gowy oýunlaryň sanawyna Dunk City Dynasty, Candy Crush Solitaire, Chants of Sennaar, Disco Elysium, Wuthering Waves, Dredge girdi, Odin: Valhalla Rising bolsa PK-da iň gowy oýun diýlip ykrar edildi.
