Google wideo önümçilik modeliniň täze wersiýasy bolan «Veo 3.1»-i resmi taýdan yglan etdi. Täze model redaktirleme bölüminde möhüm täzelikleri hödürleýär we wideolary has-da hakyky görnüşe getirýär.
Google, maý aýynda dünýäň gün tertibinde diýseň uly seslenme döreden täze modeli hödürledi. «Veo 3.1» diýlip atlandyrylan wideo döredýän emeli aň modeli sesli we has hakyky görnüşde ýokary derejeli wideolary döredip bilýär. Bu model bilen döredilen wideolar birnäçe aý bäri sosial mediýada uly meşhurlyga eýe bolýar.
Indi bolsa, Google tarapyndan Veo bilen baglanyşykly has täze bildiriş geldi. Tehnologiýa ägirdi wideo döretmek modeliniň täze wersiýasy bolan «Veo 3.1»-i resmi taýdan hödürledi.Täze wersiýanyň düýpli özgertmeler bilen gelendigi mälim edildi.
Veo 3.1 näme hödürleýär?
Google tarapyndan berilen maglumata görä, «Veo 3.1» modeli bilen wideolaryň ses çykaryşy has-da kämilleşdirdi. Wideolardaky wakalar hakyky durmuşdan alnan ýaly görünýän çeper keşpler baýlaşdyryldy. Munuň netijesinde has hakyky wideolary döretmek mümkinçiligi ýokarlandy. Mundan başga-da, suratlardan wideo döretmek babatdaky başarnyklar has kämilleşdirildi we wideolary redaktirlemek boýunça täze mümkinçilikler girizildi.
Täze aýratynlyklar haýsylar?
8 sekuntlyk wideo döretmäge mümkinçilik berýän «Veo 3.1» modeli ulanyjylara wideolara zat goşmaga we ony klipiň stiline uýgunlaşdyrmaga mümkinçilik berer. Ýakyn wagtda ulanyjylar üçin Flow arkaly bar bolan zady wideolardan aýyrmaga hem mümkinçilik dörediler.
Öňki aýratynlyklar we täze mümkinçilikler
«Veo 3»-de modeli häli-häzire çenli gahrymany ugrukdyrmak üçin salgylanma suratlaryny goşmak, soňky kadrlara esaslanan wideony giňeltmek we ş.m. ýaly köp aýratynlyga eýedir. «Veo 3.1» wersiýasy klipleri has janly etmek üçin bu redaktirleme aýratynlyklarynyň hemmesine ses goşýar. Kompaniýanyň täze modelini Flow, Gemini programmasy we Vertex-e birleşdirendigini aýratyn bellemelidiris.
