HONOR, telefonlaryny emeli aň kömekçilerine öwürjek täze Android 16 esasly MagicOS 10 täzelenmesini yglan etdi. Ine, täze aýratynlyklar:
Öňdebaryjy smartfon markasy bolan Hytaýda ýerleşýän HONOR köp wagtdan bäri garaşylan täze telefonlary hem-de operasion ulgamy resmi taýdan tanyşdyrdy. Kompaniýa, Magic8 seriýaly telefonlary bilen birlikde Android 16 esasly MagicOS 10 interfeýsiniň hem peýda boljakdygyny yglan etdi.
Onda, HONOR kompaniýasynyň täze operasion ulgamy MagicOS 10 nämeler hödürleýär? Emeli aňa gönükdirilen operasion ulgamy bolup gelen täzelenmede nähili täze aýratynlyklar bar? Geliň, MagicOS 10 barada bilmeli zatlaryňyzyň hemmesine göz aýlalyň!
Contents
MagicOS 10, öz-özüni ösdürýän emeli aň platformasy hökmünde görkezilýär.
Kompaniýanyň täze täzelenmesi, emeli aňa gönükdirilen interfeýsi HONOR telefonlaryna getirýär. Bu, telefonlary akylly şahsy kömekçilere öwürer. Hakyky emeli aň kömegi, enjamlar arasyndaky baglanyşygy üpjün edeninde, ulanyjylar üçin şahsylaşdyrylan we özüni yzygiderli ösdürýän tejribe hödürleýär.
MagicOS 10-nyň merkezinde YOYO ady berilen bir emeli aň agenti bar. Bu gural, enjamda ulanyjynyň kömekçisi hökmünde işleýär. Söwda etmekde, syýahatda, agşam naharynda näme iýjegini saýlanynda, saglyk maglumatlarynda, her bir meselede ulanyja kömek edip bilýär. Şeýle hem surat redaktirlemegiň aýratynlyklary hem goşuldy. Telefonlardaky emeli aň düwmesi arkaly tizden tiz YOYO aýratynlyklaryna girip bilersiňiz.
Dizayn we öndürijilikde gowulaşmalar
MagicOS 10 täzelenmesi, HONOR telefonlarynyň umumy dizaýnyna täzeçilik getirýär. Indi, ulanyjy tejribesi we dizaýny has döwrebap, has dury görnüşe eýe boldy diýip aýdyp bileris.
Köp dürli aýratynlyk hem täze wersiýa bilen elýeterli bolar. HONOR Portal atly aýratynlyk funksiýa ulanyjylara programmalar bilen hyzmatlaryň arasynda bir basyş bilen geçiş etmäge mümkinçilik berer.
Emeli aň bilen ekran suratlaryny alma, emeli aň bilen galp jaňlary ýüze çykarma, interfeýsiň hemme ýerinde interaktiw we hereketli elementler, täzelenen programma logotipleri, täzelenen sagat we gulp ekrany dizaýny ýaly aýratynlyklary görýäris.
HONOR MagicOS 10 bilen enjamlar arasyndaky baglanyşygy hem gowulandyrýar. HONOR enjamlarynyň edil Apple ekoulgamy ýaly işlejekdigini aýdyp bileris. Bir basyş bilen faýl, surat we ş.m-leri has köp paýlaşmak, Apple önümleri bilen sazlaşyklylyk we beýleki markalaryň telewizorlary, kompýuterleri hem-de akylly telefonlary bilen erkin işlemegiň üpjün ediljekdigi bellenýär.
MagicOS 10 haçan çykýar?
HONOR bu aýdan başlap Hytaýda täze operasion ulgam täzelenmesini ulanyjylara hödürlemäge başlar. Soňra bolsa, bu täzelenmäniň global derejede hem geljekdigi aýdylýar, ýöne takyk wagty aýdyňlaşdyrylmady.
