Huawei Mate 80 modeliniň täzelenen görnüşleri hödürlendi

Smartfonlar tekiz ekran we gyralary göni korpus bilen üpjün edildi. Esasy kamera blogy halka görnüşinde ýerine ýetirildi. Yzky panelde simsiz zarýad zolagyny aňladýan ikinji halka bolup, ol kamera blogy bilen bilelikde “sekizligiň” şekilini emele getirýär. Diňe Mate 80 RS Master Edition-da kamera blogy sekizburçluk şekilinde ýerine ýetirildi, yzky panel bolsa ýaryş ýolunyň öwrümlerini gaýtalaýar.
Smartfonlar suwdan, ýokary temperaturalardan we basyşdan IP68 we IP69 goraglaryna eýe boldy.

Mate 80 we Mate 80 Pro smartfonlarynyň displeýiniň diagonaly 6,75 dýuým. Iki uly model bolsa 120 Gs çenli täzelenme ýygylygy bilen 6,9 dýuýmlyk LTPO OLED ekranyny aldy. Esasy wersiýada Kirin 9020 çibi, galanlarynda Kirin 9030 ýa-da 9030 Pro çipleri ulanylýar. Mate 80 RS Master Edition-da operatiw ýadyň göwrümi 20 GB ýetýär.

Täze smartfonlaryň öndürijiligi öňki nesil bilen deňeşdirilende 35-42% ýokary boldy.

Kameralar:

• Mate 80: 10 basgançakly üýtgeýän diafragmaly 50 Mp esasy, 40 Mp giňburçly, 12 MP teleobýektiw; 1,5 Mp Red Maple multispektral sensory.
• Mate 80 Pro: 50 Mp esasy, 40 Mp giňburçly, iki periskoply 48 Mp teleobýektiw.
• Pro Max we RS Master Edition: 50 Mp iki teleobýektiw, 50 Mp esasy we 40 Mp giňburçly.
• Tutuş hatar 13 Mp frontal kamera we 3D ýüz skanirlemesi üçin ToF datçigine eýe boldy.

Mate 80 Pro Max we RS Master Edition 6000 mA/sag akkumulýator, Mate 80 we Mate 80 Pro 5750 mA/sag akkumulýator bilen enjamlaşdyryldy. Modelleriň ählisi 100 Wt çalt zarýad alşy, 80 Wt simsiz we 20 Wt ters zarýady goldaýar.
Hatar HarmonyOS 6-da işleýär.

Hytaýda bahalar:

• Mate 80 (12/256 GB) — 4699 ýuan (~$662)
• Mate 80 Pro (12/256 GB) — 5999 ýuan (~$844)
• Mate 80 Pro Max (16/512 GB) — 7999 ýuan (~$1126)
• Mate 80 RS Master Edition (20/512 GB) — 11 999 ýuan (~$1689)
• Mate 80 RS Master Edition (20 GB / 1 TB) — 12 999 ýuan (~$1830)