Daniýanyň LEGO kompaniýasy Las-Wegasdaky CES 2026 sergisinde Smart Play platformasyny hödürledi. Onuň esasy elementi «akylly» Smart Brick kerpiçjigi boldy.
Adaty 2×4 kerpiçjiginiň içinde hakyky mikroelektronika ulgamy ýerleşdirildi. Kubigiň içinde datçikleri, RGB-yşyk diodlaryny, kiçijik dinamigi we radiomoduly öz içine alýan 4 millimetr ýogynlykdaky ýörite ASIC çibi gizlenýär. Ähli elementler zarýad berilýän batareýa bilen işleýär. Zarýad bermek bolsa simsiz usul arkaly amala aşyrylýar, munuň üçin modeli sökmek gerek däl.
«Biz tehnologiýanyň oýny dolandyrmagyny däl-de, ony baýlaşdyrmagyny isledik. Maksat modelleri gajetlere öwürmek däl-de, janlandyrmak» — diýip, taslamanyň öňdebaryjy inženeri tanyşdyrylyş dabarasynda aýtdy.
LEGO kameralardan, mikrofonlardan we internete birikmekden ýüz öwürdi. Munuň deregine kerpiçjik magnit meýdanynyň we beýleki kubiklere hem mini-heýkeljiklere gurnalan «akylly bellikleriň» kömegi bilen daş-töwerekdäki elementleri tanaýar. Birnäçe Smart Brick gönüden-göni signal bilen alşyp, BrickNet toruny emele getirip bilýär.
Ses effektleri hakyky wagtda döredilýär: çip bolup geçýän zada baglylykda sesiň gatylygyny we äheňini üýtgedýär.
Ilkinji bolup Smart Brick-i 70 – 160 dollar bahaly «Ýyldyz söweşleri» bilen bagly üç toplum alar.
Deslapky sargytlar 9-njy ýanwarda açylýar, bölek satuwa bolsa toplumlar 1-nji martda çykar.
