Nvidia emeli aň bazaryndaky ornuny berkitmegiň ýoluny tapdy. Ol aslynda Groq atly ägirt uly umyt bildirilýän startapyň toparyny özüne çekdi. Işi çaltlaşdyrmak we döwlet edaralary bilen uzak wagtlap ylalaşyk proseslerinden gaça durmak üçin Nvidia geleşigi adaty bolmadyk görnüşde gurady: ol kompaniýany doly satyn almaýan, Groq işgärleriniň takmynan 90%-ini öz işgärler düzümine geçirýär.
Bu geleşikde Groq-yň bazar bahasy 20 milliard dollar hökmünde bahalandyryldy. Bu geçen ýylky 7 milliard dollarlyk bahadan örän uly öňegidişlikdir. Hünärmenler üçin bu geçiş maliýe taýdan örän peýdaly bolar: paýdarlar we işgärler tölegleriň 85%-ini dessine alar, galan bölegi bolsa 2026-njy ýylyň ahyryna çenli tölener. Nvidia-nyň düzümine ähli ýokary ýolbaşçylar, şol sanda baş direktor Jonatan Ross hem geçýär.
Nvidia olaryň özboluşly tehnologiýalaryna ygtyýarnama arkaly elýeterlilik alar. Bu bolsa geleşigiň hukuk taýdan arassalygyny saklamak bilen, Groq-yň işläp taýýarlamalaryny Nvidia-nyň önümlerine ornaşdyrmaga mümkinçilik berer.
Bu ädim Nvidia-a birbada pudagyň ýüzlerçe iň ökde inženerlerini we öňdebaryjy emeli aň tehnologiýalaryny gazanmaga mümkinçilik berýär. Startapyň topary bolsa dünýäde iň iri çip öndürijisiniň ägirt uly maliýe serişdelerine we tehniki mümkinçiliklerine eýe bolýar.
