OpenaAI, täze ChatGPT Translate hyzmatyny hödürledi!

Emeli ​intellekt dünýäsiniň öňdebaryjysy OpenAI, Google-yň ýyllardyr höküm sürýän terjime pudagyna täze bir dem getirdi. Kompaniýa, 50-den gowrak dili goldaýan we Google Translate-e göni bäsdeş hökmünde ýerleşdirilen “ChatGPT Translate” atly garaşsyz web hyzmatyny ulanyjylara hödürledi.

​Diliň äheňini üýtgetmek mümkinçiligi

​ChatGPT Translate-i beýleki terjime gurallaryndan tapawutlandyrýan iň uly aýratynlyk, ulanyjylara terjime edilen tekstiň stilini saýlamaga rugsat bermegidir. Adaty terjime hyzmatlary diňe sözme-söz ýa-da manysy boýunça terjime edýän bolsa, OpenAI-nyň täze guralynda “has akymly” (more fluent), “resmi” ýa-da “akademiki” ýaly saýlawlar bar.

Mysal üçin, dostuňyza ýazýan hatyňyzy “sada dilde”, iş ýeriňize iberjek hasabatyňyzy bolsa “resmi dilde” terjime etdirip bilersiňiz.

​Google Translate bilen aratapawutlary

​Daşky görnüşi boýunça iki hyzmat hem meňzeş: çep tarapda çeşme tekst, sag tarapda bolsa netije görünýär. Emma funksional taýdan käbir tapawutlar bar:

​Google: Tekst, surat, resminama we web sahypalaryny doly terjime edip bilýär.

​ChatGPT Translate: Baş sahypasynda surat we ses terjimesini wada berse-de, häzirki wagtda surat goldawy işjeň däl. Kompýuter wersiýasy diňe teksti goldaýar, ykjam (mobil) brauzerlerde bolsa mikrofon arkaly sesli giriş mümkinçiligi bar.

​Entek Mobil Programmasy Ýok

​Google Translate-iň hem web sahypasy, hem-de iOS we Android üçin aýratyn programmasy bar. Emma OpenAI, bu hyzmaty häzirlikçe diňe web hyzmaty hökmünde ýaýlyma goýberdi; App Store ýa-da Google Play-de entek ýöriteleşdirilen programmasy ýok.

​OpenAI bu täze hyzmat barada uly bir dabaraly yglan etmedi we arkasynda haýsy emeli aň modeliniň (GPT-4o ýa-da başga bir model) işleýändigini resmi taýdan tassyklamady. Ýöne şurası äşgär: OpenAI, diňe sorag-jogap däl, eýsem arassa terjime bazarynda hem Google-dan paý almak isleýär.