«OpenAI» şu günki «Dev Day» çärede täze «AgentKit» atly gurallaryny hödürledi.
Bu täze gural bilen nämeler etmek mümkin?
«OpenAI»-nyň ýolbaşçysy Sam Altman tarapyndan «Dev Day» çärede tanyşdyrylan «AgentKit» atly täze gural, programmistlere emeli aň ulgamynda täze mümkinçilikleri açýar. Sam Altman bu gurallaryň «prototipden önümçilige çenli bolan agent döretmek prosesini tizleşdirýän doly bir gural toplumy» diýip belledi.
Täze guralyň kömegi bilen, emeli aň agentlerini has çalt we ýeňil usulda döretmek mümkin bolýar. Bu bolsa «OpenAI»-y awtonom agent döretmek boýunça bäsdeşleriniň öňünde ýerleşdirýär. Şeýle hem, bu çärede «ChatGPT» platformasynyň içine gönüden-göni programma döretmek mümkinçiliginiň hem goşulandygy mälim edildi.
Çäräniň dowamynda «OpenAI-nyň hepdelik 800 million aktiw ulanyjy sanyna ýetendigi hem yglan edildi.
«AgentKit», «Canva» stilindäki wizual interfeýsi bolan agentleri döretmäge mümkinçilik berýär.
«AgentKit»-iň tapawutly aýratynlyklaryndan biri bolan «Agent Builder», «Canva»-a meňzeş wizual, süýräp-düşürmek interfeýsi bilen agent döretmäge mümkinçilik berýär. Munuň bilen bir hatarda, «ChatKit» arkaly programmistler öz markalaryna mahsus söhbet interfeýslerini aňsatlyk bilen integrasiýa edip bilýärler.
Paketiň düzüminde ýerleşýän «Evals for Agents» gurallary arkaly performans bahalandyrmasy, awtomatlaşdyrylan prompt optimizasiýasy we daşary modeller bilen test mümkinçilikleri hem bar.
«OpenAI» inženeri Kristina Huangyň çärede diňe sekiz minutda iki agent döretmegi bu gurallaryň ulanmak aňsatdygyny aýdyň görkezýär.
Beta ýagdaýy we elýeterlilik
«Agent Builder häzirki wagtda beta tapgyrynda. «Connector Registry» (baglaýjy sanawy) bolsa «API», «ChatGPT Enterprise» we Okuw / Edu müşderileri üçin beta görnüşinde açylýar.
Bahalandyrma we elýeterlilik
«ChatKit» we täze «Evals» aýratynlyklary (performans bahalandyrmak gurallary) ähli programmistlere hödürlenýär. « Agent Builder» we «Connector Registry» bolsa çäklendirilen beta elýeterliligi bilen işe başlar.
