Hepdäniň penşenbe güni Pekinde ilkinji adam şekilli robotlary öndürmek we synagdan geçirmek meýdançasy resmi taýdan işe girizildi. Pekiniň Adam şekilli robot tehnologiýalarynyň innowasiýa merkeziniň maglumatlaryna görä, bu başlangyç robotlaryň giň gerimli önümçiligine geçmekde möhüm ädim boldy.
Bu meýdança robotlary taýýarlamak bilen köpçülikleýin önümçiligiň arasyndaky geçiş tapgyryna gönükdirilendir. Resmi wekiller diňe synaglar doly tamamlanandan soň köpçülikleýin önümçilige geçilip bilinjekdigini bellediler.
Bu merkezde robotlaryň “elleri”, “aýaklary” we “göwresi” ýaly esasy bölekleri berk standart talaplaryna laýyklykda ýasalýar. Gurnama tamamlanandan soň, robotlar birnäçe tehniki barlaglardan, şol sanda robotyň elleriniň çydamlylygyny synagdan geçirmek ýaly gözegçilik çärelerinden geçirilýär.
Önümçilik standartlarynyň ornaşdyrylmagy we köp basgançakly barlag ulgamynyň girizilmegi adam şekilli robotlary önümçilige ornaşdyrmakda ýüze çykýan kynçylyklary çözmäge gönükdirilendir.
Merkeziň maglumatlaryna görä, bu meýdança 500 sany toplum önümçilik we synag enjamlary bilen üpjün edilip, ýylda 5 müňe çenli doly görnüşli adam şekilli robotlary öndürmäge mümkinçilik berýär.
