Samsung kompaniýasy 2025-nji ýylyň üçünji çärýeginiň jemlerini jemläp, geljekki flagmanlary baradaky käbir maglumatlary hem beýan etdi. Mobile Experience bölüminiň wise-prezidenti Daniel Araúho (Daniel Araujo) Galaxy S26 hatary barada çykyş edip, täze nesil flagman smartfonlarynyň ulanyjy merkezli täze nesil emeli aň, ikinji nesil ýöriteleşdirilen prosessor we ýokary öndürijilik bilen, şol sanda täze kamera datçikleri bilen ulanyjy tejribesini üýtgetjekdigini aýtdy.
Top-menejeriň haýsy prosessory göz öňünde tutýandygy entek belli däl, ýöne Samsung kompaniýasynyň Exynos 2600 ýeke çip (SoC) ulgamyna ýüz tutan bolmagy ähtimal. Çünki, soňky synaglaryň netijelerine görä, bu prosessor öndürijilik taýdan Snapdragon 8 Elite Gen 5 bilen deň derejä ýetipdir.
Konferensiýadan soň berlen goşmaça soraga jogap berende, Araúho Galaxy S26 üçin enjam platformanyň bahalandyrylmagynyň entek dowam edýändigini belläp, şonuň üçin onuň soňky düzümine we ulanyljak SoC modeline soňra doly düşündiriş beriljekdigini aýtdy.
Ýöne iň begenmeli täzelikleriň biri — Galaxy S26 hatarynyň kameralarynda täze görnüşli surat datçikleriniň peýda boljakdygy baradaky habar boldy.
