Oval ofisinde geçirilen gol çekişlik dabarasynda Trump “ajaýyp” işçilere mätäçdigini we bu programmanyň esasan kepil geçjekdigini aýtdy.
Şeýle hem, bu programmadan has köp peýdalanýan tehnologiýa kompaniýalarynyň “bagtly” boljakdygyny belläp, “ýurdumyzda gaty öndürijilikli adamlary hakyna tutup bileris we köp halatlarda bu kompaniýalar munuň üçin köp pul tölär” -diýdi.
ABŞ-nyň söwda sekretary Howard Lutnik wiza programmasy üçin ýyllyk tölegiň 100,000 dollar boljakdygyny belläp, iri kompaniýalaryň indi arzan bahadan daşary ýurtly işçileri taýýarlap bilmejekdigini aýtdy.
Ak tam tarapyndan çykarylan buýrukda H-1B wiza programmasynyň ýokary hünärli işgärleri ABŞ-a getirmek üçin döredilendigi, emma bu programmanyň soňky ýyllarda hyýanatçylykly peýdalanylandygy aýdylýar.
Ýerine ýetiriji buýruk munuň ABŞ-nyň ykdysadyýetine we milli howpsuzlygyna ýaramaz täsirini nygtady we H-1B wiza arzalary üçin diňe ýokary hünärli işçileriň getirilmegini üpjün etmek üçin 100,000 dollar tölenjekdigini mälim etdi.
H-1B wizasy näme?
H-1B wizasy, öz ugurlary boýunça ýöriteleşdirilen bilimleri we başarnyklary bolan hünärmenlere berilýän immigrasiýa wizasydyr. Inzenerçilik, maliýe we lukmançylyk ýaly ugurlardaky hünärmenler ABŞ-da H-1B wizasy bilen iş tapyp bilerler. Bu wiza, hünär tejribesi ýa-da bakalawr derejesi ýaly tapawutly kärleri bolan hünärmenlere ABŞ-nyň dürli pudaklarynda iş tapmaga mümkinçilik berýär.
H-1B wizasynyň artykmaçlyklary
Dürli iş pudaklaryny nyşana alýan H-1B wizasy, adamlara we olaryň maşgalalaryna Amerikanyň Birleşen Ştatlarynyň medeni we jemgyýetçilik durmuşyna goşulmaga mümkinçilik berýär, şol bir wagtyň özünde hünär we şahsy ösüşi hem goldaýar. Aslynda, H-1B wizasy şahsy üstünlikleri we maşgala agzybirligini üpjün edýär.
Ýaşaýyş rugsady “Altyn kartoçka” bilen 1 million dollara alnyp bilner
Şeýle hem, Trump daşary ýurtlulara 1 million dollar töläp ABŞ-nyň rezidensiýasyny almaga mümkinçilik berýän “Altyn kartoçka” (Gold card) programmasy barada ýerine ýetiriji buýruga gol çekdi.
Trump bu programmadan gelýän girdejileriň salgyt ýeňillikleri we karzy üzmek üçin ulanyljakdygyny aýtdy.
Söwda sekretary Lutnik, indi diňe “adatdan daşary” adamlara ýurda girmäge rugsat berjekdiklerini mälim etdi we “Adamlara Amerikanyň işine girmäge rugsat bermegiň ýerine bu kärhanalar gurup, Amerikalylar üçin iş ýerleri döreder. Bu maksatnama ABŞ-nyň gaznasy üçin 100 milliard dollardan gowrak girdeji gazanar” -diýdi.
