Resmi däl netijelere görä ABŞ-da geçirilen saýlawlarda sesleriň sanalmagy dowam edýärkä, respublikan dalaşgär Donald Trump 267 delegat bilen prezidentlik bäsleşiginde öňde barýar we ikinji saýlawda ýeňiş gazanjakdygyna ynanýar. Köp ştatda sesleriň sanalmagy dowam edýärkä, “Fox News” Trumpyň ýeňşini yglan etdi.
Prezident saýlawlarynyň netijeleri: Donald Trump ýeňiş gazandy
Trump birnäçe sagat soň Florida ştatynda öz tarapdarlaryna ýüzlenip:
“Amerikanyň Birleşen Ştatlarynyň halkyna 47-nji prezident saýlanmak hormatyny berenligi üçin sag bolsun aýdýaryn”
-diýdi.
ABŞ-da 60-njy gezek ählumumy saýlawlar geçirildi. Amerikalylar Prezidentden we wise-prezidentden başga-da 33 senatory, wekiller palatasynyň 435 agzasyny, 11 ştatyň we iki sebitiň gubernatorlaryny, şeýle hem ýerli häkimiýetleriň dolandyryş edaralaryny saýladylar.
Prezident saýlanmak üçin 270 delegatyň sesi gerek. Amerikada saýlawlarda ýurt boýunça iň köp sesleri almak ýeterli bolman eýsem, her ştatda hem sesleri gazanmak gerek. Şol sebäpli ilat sany ştatlardan gelýän netijeler savlawlaryň ykbalyna täsir edip bilýär.
Tramp 2017-2021 ýyllar aralygynda Amerikanyň 45-nji Prezidenti boldy. 2020-nji ýylda geçen saýlawlarda ol häzirki Prezident Jozef Baýdenden asgyn geldi.
