Dünýäde iň uly A23a aýsbergi Atlantika ummanynyň günorta böleginde ýerleşýän Günorta Georgiýa britan adasyna ýakynlaşýar. Bu barada ylmy gözlegçilere salgylanylýar. “Eger şeýle hadysa bolup geçse, ýabany haýwanlaryň, aýratynam, adada köpelýän düwlenleriň we pingwinleriň iýmitlenýän ýerlerine barmak kynlaşyp biler” – diýip, Beýik Britaniýanyň Antarktika gullugynyň okeanograf-fiziology Endrýu Meýers belleýär.Alymyň aýtmagyna görä, ähli zat ummanyň bu sebitindäki akyma baglydyr. Eger ol oňyn bolsa, aýsberg adanyň golaýyndan geçip gider.“Aýsbergler öz tebigaty boýunça howply.
Eger ol ýanymyzdan geçip gitse, men örän begenerdim. Biz buzy görjek bolup, bütin gije çyralary ýakýarys, ol duýdansyz peýda bolup biler” – diýip, Günorta Georgiýadan uzak bolmadyk ýerdäki gäminiň kapitany Saýmon Uolles aýdýar. A23a aýsbergi 1986-njy ýylda Filhner buzlugyndan bölünip aýryldy. Göwrümi boýunça ol Londondan iki esse uly bolup, agramy tas 1 trln tonna barabar.2020-nji ýyla çenli buz bölegi saýa batyp, hereketsiz durdy. Soňra demirgazyk tarapa hereket edip başlady. 2024-nji ýylda aýsberg deňiz duzagyna düşdi, ýöne dekabr aýynda ondan boşandy. Häzir ägirt uly buz bölegi Günorta Georgiýa golaýlaşýar we adadan, takmynan, 270 km uzaklykda ýerleşýär.
Türkmen oba hojalyk instituty
3-nji ýyl talyby Allaberdiýewa Aýşat
