Google kompaniýasy özüniň täze arzan bahaly smartfony bolan Pixel 10a modelini görkezdi. Kompaniýanyň tassyklamagyna görä, bu model Pixel taryhyndaky iň berk we çydamly smartfondyr.
Pixel 10a dizaýn taýdan öňki modellerine meňzeş bolsa-da, käbir möhüm üýtgeşmeler girizildi. Indi smartfonyň arka paneli doly tekiz görnüşde işlenip düzüldi. Enjam suwdan we tozandan goragyň iň ýokary IP68 standartyna eýe boldy.
6,3 dýuýmlyk displeý çyzylmalara garşy çydamly Corning Gorilla Glass 7i aýnasy bilen goralýar. Täze modelde öňdebaryjy flagmanlarda ulanylýan prosessor we kuwwatly batareýa ýerleşdirildi:
Prosessor: Tensor G4. Ýat: 8 GB operatiw ýat (RAM).
Batareýa: 5100 mAh (bu görkeziji uzak ulanyşy üpjün edýär).
Esasy kamera 48 MP, öňdäki (selfi) kamera bolsa 13 MP (Pixel 9a modelindäki ýaly galdy).
Google bu smartfonyň Gemini neýron ulgamy bilen utgaşykly işlejekdigini aýratyn belledi. Emeli aň ulanyjylara surata düşürenlerinde kompozisiýany dogry sazlamaga we suratyň hilini ýokarlandyrmaga kömek eder.
Pixel 10a smartfonynyň dünýä bazaryndaky satuwy 5-nji martda başlar. Ulanyjylar iki sany ýat görnüşini saýlap bilerler:
128 GB wersiýasy: 499 $
256 GB wersiýasy: 599$
