Bugatti kompaniýasy LEGO bilen täze hyzmatdaşlygy yglan etdi. Bu hyzmatdaşlygyň çäklerinde Bugatti Chiron Pur Sport we Bugatti Vision Gran Turismo giperkarlarynyň nusgalaryny düzüp boljak iki sany täze toplum döredildi.
Bugatti Chiron Pur Sport modeli “LEGO Technic” seriýasyna degişlidir. Bu toplum 771 bölekden ybarat. Düzülen awtoulagyň işleýän rul dolandyryş ulgamy bar, gapylary we kapoty açylýar. Hatda meşhur W16 hereketlendirijisi hem jikme-jik görkezilipdir. Modeliň uzynlygy 29 sm, ini 13 sm we beýikligi 8 sm-e deňdir.
Bugatti Vision Gran Turismo konsepsiýasy 2015-nji ýylda ýörite wideooýunlar üçin işlenip düzülipdi. Oňa bagyşlanan toplum “Speed Champions” seriýasyna degişli bolup, 284 bölekden ybaratdyr. Düzülen modeliň ölçegleri: uzynlygy 14 sm, ini 8 sm we beýikligi 4 sm.
Ýewropada Chiron Pur Sport konstruktorynyň bahasy 65 ýewro, Vision Gran Turismo modeliniň bahasy bolsa 28 ýewro diýlip kesgitlendi. Bu täze modeller “Bugatti Centodieci” we “Bugatti Bolide” ýaly öňki LEGO toplumlarynyň hataryna goşulyp, markanyň kolleksiýasyny has-da giňeltdi.
