Türkmenistanyň paýtagty Aşgabatda 23-28-nji dekabr aralygynda daşary ýurtly aýdymçylaryň gatnaşmagynda uly şowhunly konsert maksatnamalary guralar. Konsert makstanamalary Aşgabadyň gyşky sport toplumynda geçiriler.
Täze ýylyň öňüsyrasynda Eýranyň, Russiýanyň, Özbegistanyň, Türkiýäniň hem-de Tunisiň meşhur aýdymçylary konsert bilen çykyş ederler. 23-nji dekabrda Täze ýyl konsert agşamlary eýranly aýdymçy Emin Raseniň konserti bilen badalga alar.
24-nji dekabrda özbek aýdymçy Osman Nowruzow, 25-nji dekabrda bolsa, belli türk aýdymçysy Murat Boz çykyş eder.
26-njy dekabrda paýtagtymyz Aşgabadyň ýaşaýjylary we onuň myhmanlary üçin tunisli aýdymçy Amani Swissiniň konserti göz öňünde tutulýar.
27-nji dekabrda bolsa, Arsen Şahunsyň konserti meýilleşdirilýär.
Aşgabatdaky Täze ýyl mynasybetli geçirilýän konsert maksatnamalary türk aýdymçy Gülşen Baýraktaryň 28-nji dekabrda geçiriljek konserti bilen tamamlanar.
Konsertler sagat 18:00-da başlaýar we biletler bolsa Aşgabadyň gyşky sport toplumynyň kassalarynda satylýar.
