Weather Data Source: wetterlabs.de
Lebap welaýatynda 7 ýylda 43 bina gurulmagy meýilleşdirilýär

Lebap welaýatynda 7 ýylda 43 bina gurulmagy meýilleşdirilýär

«Türkmenistanyň Prezidentiniň obalaryň, şäherçeleriň, etraplardaky şäherleriň we etrap merkezleriniň ilatynyň ýaşaýyş-durmuş şertlerini özgertmek boýunça 2028-nji ýyla çenli döwür üçin Milli maksatnamasyna» laýyklykda, ýurdumyzyň welaýatlarynda köp sanly desgalary gurmak meýilleşdirilýär.

“Türkmenistan” gazetindäki habara görä, Lebap welaýaty senagat we infrastruktura pudaklarynyň ösen sebitidir.

Oba milli maksatnamasynyň çäklerinde welaýatda 2022 — 2028-nji ýyllarda 43 bina we desga gurlar. Olaryň hatarynda 3 sany hassahana, 5 sany saglyk öýi we merkezi, 6 sany mekdebe çenli ýaşly çagalar edarasy, 18 sany umumybilim berýän orta mekdep, 3 sany medeniýet öýi bar.

Belarusuň Prezidenti Türkmenistanyň täze saýlanan Baştutanyny gutlady

Lebap welaýaty meýilleşdirilýän döwürde 304,79 kilometr suw geçiriji, 5 sany suw arassalaýjy desga, 78,62 kilometr lagym geçiriji, 3 sany lagym arassalaýjy desga, 769,07 kilometr awtomobil ýoly, 346,81 kilometr gaz geçiriji we 474,65 kilometr elektrik geçiriji gurlar.

Aragatnaşyk ulgamy boýunça 437,96 kilometr telefon ulgamy çekiler, şeýle hem 11184 sany telefon belgisi işe giriziler. Şu döwürde ýaşaýyş jaýlarynyň 725,5 müň inedördül metri gurlup, ulanmaga berler.

Çeşme: atavatan-turkmenistan.com

Habary paýlaşyň:

One thought on “Lebap welaýatynda 7 ýylda 43 bina gurulmagy meýilleşdirilýär

Bir cevap yazın