«Türkmengaz» döwlet konserniniň düzüminde hereket edýän «Türkmengazüpjünçilik» birleşiginiň öz işini we amalyýetlerini doly bes edýändigi mälim edildi. Bu baradaky resmi bildiriş «Türkmenistan» gazetiniň şu günki sanynda köpçülige ýetirildi.
Özara hasaplaşyklar üçin iň soňky möhlet
Gazetde çap edilen resmi habarnama görä, «Türkmengazüpjünçilik» birleşigi 2026-njy ýylyň 1-nji iýulyndan başlap öz işini doly bes edýär. Şunuň bilen baglylykda, edaranyň ýolbaşçylygy bu birleşik bilen işewürlik, hojalyk ýa-da maliýe gatnaşyklary bolan ähli taraplara, edara-kärhanalara we şahsyýetlere ýüzlenip, özara hasaplaşyklaryň iň gysga wagtda tamamlanmagyny talap etdi.
Bildirişde ähli maliýe we resminama hasaplaşyklarynyň iň giç 2026-njy ýylyň 30-njy iýunyna çenli geçirilmelidigi aýratyn bellenilýär.
