Topragyňa basyp ýalaň dabany.
Mekanyňda gezmek isledim Watan.
Atyzdan toplanan garpyz gawunyň.
Şiresin akdyryp iýsedim Watan.
Hatar hatar gelen paslyňa gurban.
Howaňdan dem alsam derdime derman.
Ornuň tutmaz dünýä toplanan harman.
Bu gün neneň seni küýsedim Watan.
Gyşyňda garyň bar çagalar toplan.
Ynansaň saýaňda arkaýyn ýatýan.
Ülkämden alysda gamlara batýan.
Bu gün seni biçak küýsedim Watan.
Ýazlaryň bezeýär baýyr daglary.
Güllere büreýär ähli baglary.
Älemgoşar dogar şapak çaglary.
Ýene şony görmek isledim Watan.
Tomsuň jöwzasy bar gyzgynyň ança.
Bugdaýlaň hoşasy hersi bir parça.
Gün gyzanda bag saýasyna gaça.
Goýnuňda derlemek isledim Watan.
Sende gelen güýzem täsin owadan.
Ýürekde howsala ýansa sowadan.
Garaşsyz Bitarap ýurdum abadan.
Bu gün seni biçak küýsedim Watan.
