Berkarar döwletiň täze eýýamynyň Galkynyşy döwründe ýurdumyzda Halkara zenanlaryň baýramy ýokary derejede hem-de giňden bellenilip geçilýär. Maşgala ojagyna wepalylygy bilen jemgyýetiň sazlaşygyny emele getirýän zenanlaryň bu ajaýyp baýramy milli däp-dessurlara laýyklykda, täze many-mazmuna eýe bolup, zenanlara bolan çuňňur sarpany, olaryň gözelligini we ajaýyplygyny wasp etmek üçin şanly senedir. Hä­zir­ki wagt­da gözel Diýarymyzda mäh­ri­ban ze­nan­la­ry­myzyň şan-şöh­ra­ty­na ba­gyş­la­nan da­ba­ra­lar geçirilýär. Hor­mat­ly Pre­zi­den­ti­miz Hal­ka­ra ze­nan­lar gü­nü­niň öňü­sy­ra­syn­da ýur­du­my­zyň äh­li ze­nan­la­ry­na pul sow­gat­la­ry­ny gow­şur­mak ba­ra­da­ky Buý­ru­ga gol çek­di. Şo­ňa la­ýyk­lyk­da, ýur­du­my­zyň ýurdumyzyň ähli zenanlaryna — edara-kärhanalaryň işgärlerine, hormatly dynç alyşdaky enelere, ýokary we orta hünär okuw jaýlarynyň talyp gyzlaryna, mekdep okuwçylaryna, çagalar baglarynda terbiýelenýän gyzjagazlara da­ba­ra­ly ýag­daý­da pul sow­gat­la­ry gow­şu­ryl­dy.
Ýurdumyzda önümçiligiň ähli pudaklarynda öndürijilikli zähmet çekýän gelin-gyzlar Watanymyzyň gülläp ösmegine, onuň kuwwatlylygyň has ýokary derejelere göterilip, dünýä giňişliklerine ýaýramagynda özleriniň uly goşantlaryny goşýarlar. Häzirki wagtda zenanlar hakyndaky alada, olaryň durmuş derejesini mundan beýläk-de ýokarlandyrmak, ýurdumyzyň Konstitusiýasyna laýyklykda gender deňligini üpjün etmek Garaşsyz, Bitarap Türkmenistanyň döwlet syýasatynyň ileri tutulýan ugurlarynyň biridir.

Halkara zenanlar güni mynasybetli ýurdumyzyň ähli zenanlaryny hem-de aýal-gyzlaryny tüýs ýürekden gutlaýaryn! Goý, zenanlarymyzyň ýüzi elmydama ýylgyrsyn.

Gurbantäç BEGJANOWA,

Türkmen oba hojalyk institutynyň

Agronomçylyk fakultetiniň talyby

8-nji mart – Halkara zenanlar güni