Suw üpjünçiliginiň gowy ýola goýulmagy oba hojalygynyň ykdysady netijeliligine göni täsir edýär. Suwaryş ulgamlarynyň döwrebaplaşdyrylmagy hasylyň möçberini artdyrýar we ýerleriň öndürijiligini ýokarlandyrýar. Netijede, daýhanlaryň girdejisi ýokarlanýar we bazara çykarylýan önümleriň mukdary köpelýär. Bu bolsa ýurduň azyk howpsuzlygyny üpjün etmek bilen bir hatarda milli ykdysadyýetiň ösmegine hem goşant goşýar.
Oba ýol we ulag ulgamyny ösdürmek
Ýol we ulag infrastrukturasynyň ösdürilmegi oba hojalyk önümleriniň bazara wagtynda ýetirilmegine mümkinçilik berýär. Bu ýagdaý önümçiligiň çykdajylaryny azaltmaga we önümleriň bahasynyň durnukly bolmagyna kömek edýär. Şeýle hem oba ýerleriniň ykdysady taýdan ösdürilmegine itergi berýär, sebäbi gowy ýol ulgamy täze maýa goýumlaryň çekilmegine we söwda gatnaşyklarynyň giňelmegine şert döredýär.
Döwrebap tehnologiýalary we tehnikalary ornaşdyrmak
Tehnologiýalaryň we häzirki zaman tehnikalarynyň ulanylmagy zähmet öndürijiligini ýokarlandyrýar. Az wagt içinde köp önüm öndürmek mümkin bolýar, bu bolsa ykdysady taýdan has peýdaly netijeleri berýär. Şeýle hem täze tehnologiýalar serişdeleri tygşytly ulanmaga mümkinçilik berýär. Netijede, oba hojalygynda öndürilýän önümleriň mukdary hem-de hili ýokarlanýar we bu ýagdaý ýurduň ykdysady ösüşine oňyn täsir edýär.
Saklaýyş we gaýtadan işleýiş merkezlerini döretmek
Oba hojalyk önümlerini saklamak we gaýtadan işlemek üçin infrastruktura döretmek ykdysady taýdan möhüm ähmiýete eýedir. Sebäbi bu çäreler önümleriň zaýalanmagynyň öňüni alýar we olaryň bazardaky gymmatyny ýokarlandyrýar. Şeýle hem gaýtadan işleýiş kärhanalarynyň döredilmegi täze iş orunlaryny döredýär we ýerli ykdysadyýeti ösdürýär. Şeýlelikde oba hojalygy diňe çig mal öndürýän ulgam bolman, eýsem ykdysady ösüşiň möhüm pudagyna öwrülýär.
Saryýewa Sähra
Türkmen oba hojalyk institutynyň Weterinar lukmançylygy fakultetiniň buhgalterçilik hasaba alnyşy we audit taýýarlamak ugrunyň 3-nji ýyl talyby
