Türkmenistanyň Bilim ministrliginiň Innowasiýalar-maglumat merkezi Türkmenistanda bilimiň sanlylaşdyrylmagyna möhüm goşant goşan mugallymlar, ene-atalar we mekdep okuwçylary üçin “E-mekdep”, bitewi elektron ulgamyny işläp düzdi we ony işe girizdi.
Okuwçynyň sapakda alýan alýan bahalary “E-mekdep” ulgamynyň ýörite programmalary, enjamlary we algoritmleri arkaly derňelýär. Bu ulgamyň kömegi bilen ene-atalar mugallymlar bilen öz wagtynda aragatnaşyk guramaga we mekdep mugallymlary hakda maglumat almaga mümkinçilige eýe bolýar. Häzirki wagtda “E-mekdep” meýdançasy Aşgabadyň we Arkadag şäheriniň orta mekdepleriniň we beýleki welaýatlaryň orta mekdepleriniň ählisinde ornaşdyryldy.
Bu elektron ulgam ene-atalara çagalarynyň okuwa gatnaşygyna netijeli gözegçilik etmäge mümkinçilik berýär, olaryň gatnaşygy we ýetişigi, synpda öwrenilýän temalar, öý işleri, mugallymlaryň bellikleri, ol ýa-da beýleki derslere höwesi barada edil şol wagtda maglumat almaga mümkinçilik berýär. Maglumat islendik wagt, işde ýa-da öýde onlaýn bolsun, sms ýa-da “E-mekdep” ykjam goşundy arkaly sanly habar görnüşinde elýeterlidir.
Şeýle sanly hyzmatlar dünýäniň ösen ýurtlarynyň köpüsinde giňden ulanylýar. Türkmenistanda 2021-nji ýyldan bäri bu meýdança boýunça işler alnyp barylýar, ol orta mekdepleriň birnäçesinde synagdan geçirilip, has kämilleşdirildi. Häzirki wagtda “E-mekdep” ulgamy doly işjeňdir, ony Google Play ýa-da Appstore goşundydan göçürip alyp bolýar.
KAKAÝEWA ÇEMEN
Daşoguz şäheriniň 13-nji orta mekdebiniň mugallymy
![Pinterest](https://pinterest.com/pin/create/button/?url=https%3A%2F%2Fgorogly.com%2Fmakalalar%2Fturkmenistanda-e-mekdep-elektron-ulgamynyn-ahmiyeti%2F&media=
https://gorogly.com/wp-content/uploads/2024/09/02092024-012.jpg &description=%%title%% ene-atalar we mekdep okuwçylary üçin "E-mekdep", bitewi elektron ulgamyny işläp düzdi.){kind=link}