Bütindünýä demgysma we allergiýa garşy göreşmek güni Bütindünýä saglygy goraýyş guramasy tarapyndan esaslandyryldy we her ýylyň 30-njy maýynda bellenilýär. Bu günüň bellenilmeginiň esasy maksady, bu möhüm meselelere jemgyýetçiligiň ünsüni çekmekdir.
Allergiýanyň we demgysmanyň ýaýramagynyň töwekgelçilik faktorlary:
- Çilim çekmek (işjeň we passiw), esasanam çagalykda we göwrelilik döwründe;
- Derman kabul etmek, himiki maddalara täsir etmek we göwrelilik döwründe allergen iýmitleri iýmek;
- Gormonal göwreliligiň öňüni alyş serişdelerini we antibiotikleri gözegçiliksiz ulanmak;
- Iýmitde sintetiki goşundylary bolan iýmitleriň agdyklyk etmegi;
- Stres we ýaramaz daşky gurşaw faktorlary.
Bronhial demgysma we allergiýa sebäp bolýan faktorlar ösümlikler, güller, agaçlar, otlar, öý tozany, iýmit, öý we senagat himiki serişdeleri, dermanlar, hatda haýwanlaryň tüýjagazlary bolup biler.
Kesel köplenç gabaklaryň gyjyndyrylmagy we gyzarmagy, fotofobiýa, lakrimasiýa, burnuň akmagy bilen başlaýar, soň döşünde agyrlyk duýgusy, dem almakda kynçylyk çekmek, üsgürmek, esasanam gije ýa-da irden, agyr ýagdaýlarda bolsa demikmek hüjümi bolup geçýär.
Lukmanlaryň käbir maslahatlaryndan:
- Allergiýa sebäp bolýan iýmitlerden we dermanlardan gaça durmak
- Haýwanlary öýde saklamazlyk
- Tozan toplap bilýän zatlardan gaça durmak: halylar, köne kitaplar, abzallaşdyrylan mebeller
- Zyňyp bolmaýan zatlaryň hemmesi gapak bilen örtülmek
- Süpürip boljak mebelleri ulanmak (agaç, plastmassa, winil ýa-da deri)
- Ahli düşekleri gyzgyn suwda (60 ° C-den ýokary) her 2 hepdede azyndan bir gezek ýuwmak
- Jaýy çygly arassalamak her gün amala aşyrylmalydyr (arassalanan wagtynda bronhial demgysma hassasynyň başga bir otagda ýa-da daşarda bolmagy has gowudyr);
- Çilim tüssesi we boýag önümleri bilen aragatnaşykdan gaça durmak
- Dogry iýmitlenmegi guramak
- Gipoallergen kosmetika we öý himiki serişdelerini ulanmak
- Sagdyn durmuş ýörelgesini alyp barmak
Garşy görkezmeler bardyr, hünärmen bilen maslahatlaşmak zerurdyr.
Sagdyn boluň! Özüňize we ýakynlaryňyz barada alada ediň!
Gülnur Otyzowa
Türkmen oba hojalyk institutynyň 4-nji talyby
