Meşhur sosial mediýa platformasy X-iň (öňki Twitter) eýesi Elon Musk, ulgamyň maslahat beriş (recommendation) algoritminiň kodlaryny köpçülige açjakdygyny (open source) habar berdi. Bu ädim, tutuş platformany däl, eýsem ulanyjylara haýsy mazmunyň we mahabatlaryň görkezilýändigini kesgitleýän ulgamy öz içine alýar.
7 Günüň Içinde Elýeterli Bolar
Elon Musk, 2026-njy ýylyň 10-njy ýanwarynda eden beýanatynda, täze algoritmiň ýakyn 7 günüň içinde açyk çeşme (open source) görnüşinde paýlaşyljakdygyny aýtdy.
We will make the new 𝕏 algorithm, including all code used to determine what organic and advertising posts are recommended to users, open source in 7 days.
This will be repeated every 4 weeks, with comprehensive developer notes, to help you understand what changed.
— Elon Musk (@elonmusk) January 10, 2026
Bu karar, “Siziň üçin” (For You) sahypasynda organiki paýlaşymlaryň we mahabatlaryň (reklamalaryň) ulanyjylara nähili tertipde hödürlenýändiginiň “syr” bolmaktan çykmagyny maksat edinýär.
Her 4 hepdeden täzelener
Täze yglan edilen meýilnama görä, bu diňe bir gezeklik çäre bolmaz:
Yzygiderlilik: Algoritm kodlary her 4 hepdeden täzelenip durar.
Düşündiriş Bellikleri: Kodlarda edilen üýtgeşmeler, “Öndüriji Bellikleri” (Developer Notes) bilen bilelikde paýlaşylar. Bu bolsa, üýtgeşmeleriň sebäbini we täsirini tehniki taýdan düşünmäge ýardam berer.
X platformasynyň doly kodlary däl, diňe mazmun hödürleýiş (recommendation) ulgamy açyk çeşme (open source) bolýar. Bu bolsa, ulanyjylaryň “Maňa bu posty näme üçin görkezdi?” diýen soragyna tehniki jogap tapmagyna mümkinçilik döreder.
 eýesi Elon Musk, ulgamyň maslahat beriş (recommendation) algoritminiň kodlaryny köpçülige açjakdygyny (open source) aytdy){kind=link}