Italiýanyň Milano we Cortina d’Ampezzo şäherlerinde XXV Gyş Olimpiýa oýunlary resmi taýdan badalga aldy. 6-njy fewralda Milano şäherindäki “San Siro” stadionynda geçirilen ajaýyp açylyş dabarasy bilen dünýäniň iň uly gyş sport baýramçylygy başlady.
Milano Cortina 2026 açylyş dabarasyndan geň galdyryjy pursatlar
Dünýä belli aýdymçylar Meriaýa Keri (Mariah Carey) we Andrea Boçelli (Andrea Bocelli) öz çykyşlary bilen tomaşaçylary haýran galdyrdy. Olimpiada taryhynda ilkinji gezek Olimpiýa alawy bir wagtda iki ýerde – Milano şäherinde we Cortina d’Ampezzo dag şäherçesinde ýakyldy, bu bolsa oýunlaryň “iki şäherli” formatyny alamatlandyrýar. Dabara şeýle hem ýakynda aradan çykan italýan moda ussasy Jorjoarmani (Giorgio Armani) hormatyna ýörite bölüm bilen utgaşdyryldy.
Merkezi Aziýa: Kimler Gatnaşýar?
Sebitimizden bu ýylky oýunlara Gazagystan, Özbegistan we Gyrgyzystan gatnaşýar.
- Gazagystan: Merkezi Aziýadan iň uly wekiliýet bolup, 36 türgen bilen biatlon, fristal we konkili typmak ýaly görnüşlerde çykyş eder.
- Gyrgyzystan we Özbegistan: Her ýurtdan 2 türgen dag çangasy we beýleki görnüşlerde bäsleşer.
7-8 Fewral: Ilkinji medallar
Oýunlaryň ilkinji günlerinde, ýagny 7-nji we 8-nji fewralda dag çangasy (Alpine Skiing), biatlon we konkili typmak boýunça ilkinji altyn medallar eýelerini tapar. Bu ýylky oýunlaryň täzeligi bolan “Ski Mountaineering” (dag gerişlerine dyrmaşmak) ýaryşlary bolsa 19-njy fewralda başlar.
 resmi taýdan badalga aldy.){kind=link}