2024-nji ýylyň başyndan bäri, Hazar deňzine Jaýyk derýasynyň üsti bilen 17 milliard kub metr töweregi suw ugradyldy, bu bolsa deňiziň ýylyň ortaça görkezijilerini ýokarlandyrýar. Gazagystanyň suw hojalygy we irriwasiýa ministrliginiň maglumatyna görä, şu ýyl Hazar deňzine 16,7 milliard kubometr töweregi suw geldi. Deňeşdirme üçin, Jaýyk derýasynyň köpýyllyk ortaça akymy 9,46 kub metrden ybarat.
Bu ýokary derejeli suw mukdary Hazar deňzine suw serişdelerini dolandyrmak çäklerinde ugradyldy, bu hem öz gezeginde Russiýa döwletinde ýerleşýän Iriklin suw howuzyndan gelýän suwuň möçberi bilen baglanyşyklydyr. Edara bu ýylyň suw akymynyň ýokarlanmagy, sebitde suw üpjünçiliginiň ýokarlanmagy bilen baglanyşyklydygyny bellenilýär.
Mundan başga-da, suw maksatnamalaryny ýerine ýetirmekde Gazagystanyň suw hojalygy we irriwasiýa ministrligi goňşy döwletler bilen işjeň hyzmatdaşlyk edýär. Şu ýylyň başyndan bäri Russiýa, Hytaý we Merkezi Aziýa ýurtlary bilen 28 duşuşyk geçirildi, olaryň dowamynda serhetara suw serişdelerini dolandyrmak we suw üpjünçiligi hem-de suw eko ulgamlarynyň goralmagy boýunça bilelikdäki hyzmatdaşlyk meseleleri ara alnyp maslahatlaşyldy.
Bu hyzmatdaşlyk, sebitde suw serişdelerini rejeli peýdalanmak we Hazar deňziniň eko ulgamlaryny goramak üçin möhüm ähmiýete eýedir. Jaýyk derýasy arkaly Hazar deňzine gelýän suw, ekologiýanyň goldanylmagy we ýanaşyk sebitleriň ilatynyň we oba hojalygynyň durnukly suw üpjünçiligi üçin möhüm orun tutýar.
HHM
