Türkmenistanyň Gidrometeorologiýa gullugynyň deslapky çaklamasyna görä, hepdäniň dowamynda üýtgäp durýan howa garaşylýar. Howa ortaça +16 derejeden +4 derejä çenli üýtgär. Ygal ýagmagy ähtimal.
Aşgabatda hepdäniň başynda howanyň temperaturasy gündizlerine +16 dereje, gijelerine +3 dereje bolar. Sişenbe gününden başlap howa ep-esli sowar. Howa gündizlerine +4…+6 dereje bolup, gijelerine -2…-4 derejesowuk bolar. Bulutly howanyň bolmagyna garaşylýar. Ýagyş ýagmagy mümkin.
Ahal welaýatynda üýtgäp durýan bulutly howa bolup, howanyň temperaturasy gündizlerine +3…+8 dereje, gijelerine -1…-6 dereje sowuk bolar. Dynç günleri howa açylyp, howanyň temperaturasy +13 derejä çenli ýokarlanar.
Balkan welaýatynda şemally, az-kem ýagyşly howa bolup, howanyň temperaturasy gündizlerine +6…+11 dereje, gijelerine 0…+ 4 dereje bolar diýlip çaklanylýar.
Mary welaýatynda üýtgäp durýan bulutly howa bolup, howanyň temperaturasy hepdäniň ortasynda gündizlerine +1…+6 dereje, gijelerine -1…-6 dereje bolar diýlip çaklanylýar. Dynç günleri howanyň temperaturasy +14 dereje çenli ýokarlanar.
Lebap welaýatynda üýtgäp durýan bulutly howa bolup, howanyň temperaturasy gündizlerine 0…+5 dereje, gijelerine -1…-6 dereje bolar. Hepdäniň ahyrynda howa +14 dereje çenli maýlar. Ygal ýagmagy ähtimal.
Daşoguz welaýatynda bulutly howa bolup, howanyň temperaturasy gündizlerine -3…+2 dereje, gijelerine -3…-8 dereje bolar we käýerlerde ýagyş ýagar. Dynç günleri howa +9 dereje çenli maýyl bolar.
Howanyň kä sowap, käte maýlamagy ýa-da tersine, maýlap-sowamagy adamlaryň özüni duýşuna we saglygyna täsir edýär, şonuň üçin hem howa çalt üýtgände howa görä geýinmeli. Munuň özi sowuk günler üşemezligiň we howa maýlanda gyzmagyň öňüni almaga ýardam eder.
Ýurdumyzdaky howa maglumatlaryny yzarlamak we öwrenmek üçin web sahypamyzdaky howa maglumaty sahypamyza girip bilersiňiz.
Türkmenistanyň 5 welaýatynda, şäherlerindäki we şäherçelerindäki howa magumatlaryny şol wagtky we 5 günlük ýagdaýyny yzarlap bilersiňiz.
