Akylly telefon bazaryndaky bäsdeşlik ýylsaýyn gyzsa-da, liderler üýtgemedi. Counterpoint Research guramasynyň ýaýradan täze hasabatyna görä, 2025-nji ýylyň “patyşasy” iPhone 16 boldy. Apple we Samsung kompaniýalary, dünýä bazarynyň iň köp satylan 10 modeliniň ählisini eýeläp, beýleki öndürijilere hiç hili şans galdyrmadylar.
Apple 7, Samsung 3 Model Bilen Sanawda dünýäde satylan ähli telefonlaryň takmynan 19%-ini bu 10 model emele getirýär. Apple, sanawyň ilkinji 10-lugynda jemi 7 orny eýeläp, özüniň bazar agalygyny subut etdi. Samsung bolsa 3 model bilen (köplenç býujet modelleri) sanawa girmegi başardy.
Ine, 2025-nji ýylyň iň köp satylan 10 smartfony:
Apple iPhone 16 (Lider)
Apple iPhone 16 Pro Max
Apple iPhone 16 Pro
Apple iPhone 17 Pro Max (Täze çyksa-da ýokary netije)
Samsung Galaxy A16 5G (Samsung-yň iň köp satylany)
Samsung Galaxy A06 4G
Apple iPhone 17
Apple iPhone 15
Samsung Galaxy S25 Ultra (Premium klasda Samsung-yň ýyldyzy)
Apple iPhone 16e
iPhone 17 Seriýasynyň Üstünligi Sanawyň 4-nji ornunda ýerleşýän iPhone 17 Pro Max, gysga wagtyň içinde uly meşhurlyk gazandy. Şeýle hem, adaty iPhone 17 modeliniň ekran ýygylygynyň (Hz) artdyrylmagy we RAM kuwwatynyň köpeldilmegi, ulanyjylaryň bu modele bolan gyzyklanmasyny artdyrdy.
Samsung tarapynda bolsa, Galaxy A16 5G we Galaxy A06 ýaly elýeterli bahaly modelleriň köp satylmagy, kompaniýanyň giň halk köpçüligine hitap edýändigini görkezýär.
