Abu-Dabiniň biometrik tehnologiýalar enjamlaşdyryljak Zaýed halkara howa menzili 2025-nji ýylda dünýädäki ilkinji resminamasyz howa menzili bolup biler. Bu barada «bcs-express.ru» habar berdi.
«Smart Travel Project» taslamasy howa menzilindäki giriş nokatlary, degişli bölümleri, paçsyz dükanlary we internat derwezeleri ýaly ähli möhüm nokatlara biometrik datçikleri gurar.
Ýüz we gözüňi tanamak ýaly biometrik tehnologiýalar ýolagçylara pasport ýa-da petek görkezmezden syýahatyň ähli basgançaklaryny geçmäge mümkinçilik berer. Howa menzili eýýäm şeýle ulgamlary ulanýar, ýöne doly durmuşa geçirmek hakyky üstünlik bolar.
BAE gelýän ýolagçylar Federal kesgitleýiş edarasy tarapyndan toplanan biometrik maglumatlary ulanmak bilen kesgitlener. Bu maglumatlar ähli barlag nokatlaryndan çalt we aragatnaşyksyz geçmek üçin ulanylar.
Howa menziliniň baş maglumat işgäri Endrýu Merfiniň pikirine görä, taslama barlag işini ep-esli çaltlaşdyrar we ýolagçylara 45 million ýolagçy geçirijilik mümkinçiligi bolan howa menzilinden sanlyja minutda geçmäge mümkinçilik berer.
