«news.finance.ua» web saýtynyň habar bermegine görä, «Amazon» kompaniýasy Beýik Britaniýada sanly ykdysadyýeti ösdürmek üçin 8 milliard funt sterling maýa goýar. Bu uly mukdardaky maýa goýum «Amazon Web Services» (AWS) serişdeleriniň bulut infrastrukturasyna we emeli aň pudagyna gönükdiriler.
Beýik Britaniýanyň maliýe ministri Reýçel Riwziň aýtmagyna görä, agzalan mukdardaky maýa goýumyň özleşdirilmegi netijesinde ýurtda 14 müň sany täze iş orny dörär.
Hünärmenler «Amazon» kompaniýasy tarapyndan goýuljak maýa goýumyň 2024 — 2028-nji ýyllar aralygynda Beýik Britaniýanyň jemi içerki äaönüminiň 14 milliard funt sterling möçberinde köpelmegine şert döretjekdigini belleýärler.
