“Bloomberg”-iň žurnalisti Mark Gurmanyň habar bermegine görä, Apple kompaniýasy iPhone Air 2 smartfonyny 2027-nji ýylyň ýazynda çykarmagy meýilleşdirýär.
Smartfon kompaniýanyň ultra inçe smartfonlarynyň hataryny dowam etdirer we Apple-iň ilkinji 2 nanometrlik platformasyna eýe bolar. Ol energiýa netijeliligini ýokarlandyryp, smartfonyň goşmaça zarýad bermezden iş wagtyny uzaltmaly.
Öň smartfonyň çykyşynyň birinji nesil modeliň gowşak satuwy sebäpli näbelli möhlete süýşürilendigi barada maglumat peýda boldy. Soňra onuň alty aý gijikdirme bilen çykjakdygy belli boldy – reliz 2026-njy ýylyň güýzünden 2027-nji ýylyň ýazyna geçirildi.
Gurmanyň soňky habarynda bu maglumat tassyklanýar, ýöne kompaniýanyň iPhone Air hataryny iPhone smartfonlarynyň adaty ýyllyk tertibi boýunça çykarmagy başdan meýilleşdirmändigi aýdylýar. Şeýle-de, kompaniýa modeli adaty we Pro wersiýalardan doly aýratynlandyrmak üçin iPhone 17 Air adyny ulanmazlyk kararyna geldi.
Insaýderiň maglumatlaryna görä, iPhone Air 2 smartfonynyň daşky görnüşiniň düýpli üýtgemegine garaşylmaýar. Esasy üns awtonom iş wagtynyň uzaldylmagyna we käbir täzelenmelere gönükdiriler. Mundan başga-da, Apple ultra giňburçly surata düşüriş üçin ikinji esasy kamerany oturtmak mümkinçiligini öwrenýär.
