Içki kod ady J700 bolan bu enjam giň ulanyjylar üçin niýetlenen we ýönekeý işleri ýerine ýetirmek üçin niýetlenendir. Internetde gezmek, ofis resminamalary bilen işlemek, ýönekeý multimediýa redaktirlemek we uly serişdeleri talap etmeýän beýleki işler üçin ajaýyp saýlaw bolar.
Maglumatlara görä, enjam işjeň synag tapgyrynda we daşary ýurt üpjün edijileri bilen başlangyç önümçilik tapgyryna girdi. Apple bu arzan bahaly MacBook-y 2026-njy ýylyň birinji ýarymynda çykarmagy meýilleşdirýär.
Enjamyň ykdysady tarapdan peýdalylygy
Çykdajylary azaltmak we agressiw baha syýasatyny durmuşa geçirmek üçin Apple öňki MacBook modellerinde ulanylmaýan birnäçe inženerçilik çözgütlerini hödürlär. Bloomberg analitiki Mark Gurman enjamyň ýokary derejeli modellere garanyňda pes hilli LCD displeý bilen birlikde has arzan komponentler bilen enjamlaşdyryljakdygyny belledi.
MacBook häzirki 34,5 sm-lik MacBook Air-den kiçi ekrana eýe bolar. Esasy zat, enjamyň iPhone üçin niýetlenen prosessory (mümkin A18 Pro çipi) ulanjakdygydyr.
Täze modeliň aýratynlyklary
Bu, MacBook-yň taryhynda ilkinji gezek Mac kompýuterleri üçin ýörite döredilen M seriýaly çipiň ýerine ykjam prosessor ulanylar. Bloomberg içerki synaglaryň iPhone çipiniň birnäçe ýyl mundan ozal MacBook-larda ulanylan M1 çipinden has gowy işleýändigini görkezendigini belleýär.
Apple öň iPad üçin iPhone çiplerini ulandy, ýöne soňra ýokary derejeli modellerde M seriýaly prosessorlara geçdi. Täze MacBook-yň bahasynyň 1000 dollardan has arzan bolmagyna garaşylýar.
Enjamyň bahasy takmynan 600 dollar bolar, bu bolsa oňa Magic Keyboard Folio-ly ýokary derejeli iPad planşetleri, şeýle hem ChromeOS (Chromebooks) ulgamynda işleýän arzan noutbuklar bilen bäsleşmäge mümkinçilik berer. Taryhy taýdan Apple hemişe ýokary girdejili premium segmente ünsi jemläp geldi.
J700 modeli bilen arzan noutbuklaryň bazaryna çykmak kompaniýa üçin täze ädim bolar.
Bahramow Merdan
Türkmen oba hojalyk institutynyň gidromeliorasiýa we oba hojalygyny mehanizmleşdirmek fakultetiniň 3-nji ýyl talyby
