«Apple» kompaniýasy täze «iPhone 16» smartfonuny Hindistanda öndürmegi hem-de şol ýerden dünýä bazarlaryna ibermegi meýilleşdirýär. Bu barada Hindistanyň elektronika we aragatnaşyk tehnologiýalary ministri Aşwini Waýşnaw mälim etdi. Mundan ozal, «Apple» Hindistanda diňe ýerli bazar üçin niýetlenilen smartfonlary öndürýärdi.Bu barada «ixbt.com» web saýtynda habar berildi.
Hünärmenleriň bellemeklerine görä, «Apple» kompaniýasynyň «iPhone» smartfonlarynyň önümçiligini diwersifikasiýa etmekden esasy maksady üýtgeýän geosyýasy ýagdaýlar we üpjünçilik zynjyryndaky näbellilik sebäpli bir ýurda garaşlylygyny azaltmak bolup durýar.
Şeýlelikde, indiden beýläk global bazara niýetlenilen «iPhone» smartfonlarynda diňe bir «Made in China» däl, eýsem, «Made in India» diýlip hem ýazylyp bilner.
