Apple Vision Pro, Apple M2 prosessoryna we Apple R1 kömekçi çipine esaslanýan “Apple Corporation” -dan garyşyk hakykat nauşnigi (giňeldilen we wirtual hakykaty öz içine alýar). WWDC 2023-de 2023-nji ýylyň 5-nji iýunynda görkezildi we 2024-nji ýylyň 2-nji fewralynda ABŞ-da goýberildi. Vision Pro güýç adapteri ýa-da aýratyn batareýa bilen ulanylyp bilner. Bu “Apple Airtag” hödürlenenden ýagny, 2021-nji ýyldan bäri kompaniýa üçin täze kategoriýadaky ilkinji Apple önümidir.
Apple –Vision Pro-ny sanly metbugaty hakyky dünýä gurşawy bilen birleşdirýän “giňişlikdäki kompýuter” hökmünde görkezýär. Şol bir wagtyň özünde ulgam bilen täsirleşmek üçin fiziki gözegçilikler: yşaratlar, göz hereketleri, yzarlamak we ses buýruklary ulanylyp bilner.
Vision Pro – “iOS” -dan alnan, wirtual we giňeldilen hakykat programmalary bilen işlemek üçin döredilendir. VisionOS operasiýa ulgamyna esaslanýan özbaşdak enjam hökmünde döredildi. Şeýle-de bolsa, zerur bolsa enjamy Mac-a birikdirip bilersiňiz.
2015-nji ýylyň maý aýynda bu kompaniýa garyşyk hakykatdaky ösüşlere bagyşlanan nemes kompaniýasy Metaio-ny satyn aldy. Şol ýyl Dolby Laboratories-daky Maýk Rokwell kompaniýa tarapyndan işe alyndy. Onuň ýolbaşçylygynda garyşyk hakykat tehnologiýalaryny ösdürmäge bagyşlanan topar döredildi. Soňra 2017-nji ýylda NASA-nyň öňki giňeldilen we wirtual hakykat hünärmeni Jeff Norris işe alyndy. Jonatan Aýw Apple-den gitmezinden ozal, Rokwelliň topary onuň bilen garyşyk hakykat nauşnigini döretmek üçin işlediler. Ulanyjynyň gözüni öň ekranda görkezmek pikiri Aýwa topary tarapyndan tassyklandy.
2021-nji ýylyň Fewral aýynda Apple-iň inženerçilik soraglary boýunça wise-prezidenti Den Riço hakyky önüme öwrülip başlan ösüşiň indiki tapgyryna geçen garyşyk hakykat nauşniginiň taslama toparyna ýolbaşçylyk etdi. Şeýle-de bolsa, bu taslama boýunça gündelik işe AR we VR-nyň wise-prezidenti Maýk Rokwell ýolbaşçylyk etdi
2024-nji ýylyň ýanwar aýynda “Apple Vision Pro” nauşnikiniň deslapky sargytlary bir sagadyň dowamynda satyn alyndy.
2024-nji ýylyň fewral aýynyň başynda höwesjeňler “Apple Vision Pro” üçin ilkinji eksploýt döretdiler. Massaçusets Tehnologiýa Institutynyň (MIT) aspiranty Jozef Rawiçandran munuň esasynda AR – äýnegi üçin jeýlbreýk döredilip bilinjekdigini aýtdy.
Gülnur Otyzowa
Türkmen oba hojalyk institutynyň 4-nji ýyl talyby
