Ýaponiýanyň «AromaJoin» kompaniýasynyň hödürlän döwrebap tehnologiýasy 2024-nji ýylyň iň täsirli enjamlarynyň hatarynda görkezildi. «Aroma Speaker 60» atly täze ses güýçlendiriji enjam seslerden başga-da, yslary iki metre çenli aralykda ýaýratmaga ukyplydyr.
Döredijiler heniz bu tehnologiýanyň nähili işleýändigini mälim etmediler. Muňa garamazdan, enjamyň ýerine ýetirýän umumy wezipesi belli we hemmeler üçin gyzykly. Tehnologiýanyň her bir sütüni 5 moduldan ybarat bolup, ys binýadyny emele getirýän 6 enjamy öz içine alýar. Stereoulgam bu enjamlary ulanyp, tebigy yslaryň 60 görnüşini döredip bilýär.
Bu önümi synag eden taraplaryň wekilleri süýjülikleriň ysynyň gaty güýçli, gül yslarynyň bolsa diýseň maýyl edijidigini belleýärler. Noutbuk ekrany tükeniksiz ýaşyl meýdany görkezende bolsa ses güýçlendiriji enjam ýagyşdan soňky ýakymly ysy ýaýradýar. Bilermenler tagamlaryň yslarynyň heniz 100% takyk däldigini tassyklaýarlar. Muňa garamazdan, onuň ýokary derejededigini bellemek gerek.
Önümiň ses ulgamynyň aýratynlyklary-da aýan edilmeýär. Emma sesiň hiliniň hem ýokary derejesi tassyklanylýar.
