“ASUS” şereketi geçirilen “CES 2022” çäresinde dünýädäki ilkinji 17.3 dýuýmlyk eplenýän noutbugy bilen tanyşdyrdy. “Zenbook 17 Fold” diýlip atlandyrylýan noutbuk, uly planşet şeýle-de diňe ekranly noutbuk ýa-da adaty noutbuk ýaly ulanylýar. “Zenbook 17 Fold” özüniň tehniki aýratynlyklary bilen hem tapawutlanýar.
Tehnologiýa höwesjeňleri üçin her ýyl gurnalýan çäre bu ýyl Las Wegasda geçirildi. Dünýäde iň meşhur sarp ediji elektronika ýarmarkasy bolan “CES 2022” resmi taýdan başlandy we öňdebaryjy tehnologiýa kompaniýalary wakalaryň çäginde täze önümlerini hödürlediler.
Koprak oka
Bu çärede “ASUS” şereketi hem beýlekilerden tapawutlylykda täze “Zenbook 17 Fold” diýlip atlandyrylýan dünýädäki ilkinji 17.3 dýuýmlyk eplenýän noutbugy bilen tanyşdyrdy. 17 dýuým ekrany bolan noutbuk 2,5K durulygy bilen ünsi özüne çekýär. 180 dereje açyp boljak gurluşy bolan “Zenbook 17 Fold”-yň ekrany diňe planşet ýa-da dakylýan klawiatura bilen noutbuk hökmünde ulanylyp bilner.
Noutbuk – Inteliň 12-nji nesil U seriýaly prosessorlary bilen işleýär. 16 Gb çenli RAM we 1 TB “PCIe 4.0 SSD” bilen goldawly “Zenbook 17 Fold” 75 Whr batareýasynda çalt zarýad beriş aýratynlygyna eýedir. Noutbuk 2022-nji ýylyň tomus aýlarynda satuwa çykarylar.
