Asus kompaniýasy, Wi-Fi 8 standartynyň resmi taýdan sertifikatlaşdyrylmagyna heniz iki ýyla golaý wagtyň bardygyna garamazdan, CES 2026 sergisinde bu tehnologiýany goldaýan ilkinji enjamy bilen tanyşdyrdy.
Garaşylýan anons baradaky maglumat kompaniýanyň ROG brendi astynda çap eden suratlaryndan mälim boldy. Suratlarda enjamyň korpusynda Wi-Fi 8 ýazgysynyň bardygy aýdyň görünýär.
Görnüşine görä, gürrüň router barada gidýär, emma täze önümiň anyk häsiýetnamalary heniz aýan edilmedi. Bu ýagdaý Wi-Fi 7 taryhyndaky wakany ýatladýar: şonda enjamlar tehniki aýratynlyklar gutarnykly tassyklanmazdan öň bazarda peýda bolup başlapdy. Bu bolsa, gutudaky belligiň hemişe standart tarapyndan hödürlenýän mümkinçilikleriň doly toplumyny kepillendirmeýändigini aňladýar.
TheVerge kompaniýasynyň çaklamalaryna görä, Wi-Fi 8 diňe 2028-nji ýylda tassyklanar. Intel-iň soňky maglumatlaryna görä bolsa, täze standart maglumat geçirijilik ukybyny artdyrmagy ýa-da ýygylyk diapazonyny giňeltmegi wada bermeýär. Wi-Fi 8-de esasy üns birikmäniň durnuklylygyny ýokarlandyrmaga we gijikmeleri azaltmaga gönükdiriler.
