AUDI E5 Sportback elektrik ulagy «Hytaýda ýylyň awtoulagy 2026» adyny aldy. Ýeňiji awtomobil KHBS-iniň hünärmenler komissiýasy tarapyndan kesgitlendi.
Audi AG-yň täze golçur markasy bolan AUDI üçin bu hytaý bazarynda şeýle derejeli ilkinji baýrak boldy – brend hytaý bazaryna geçen ýyl çykypdy.
Model AUDI bilen SAIC-iň bilelikdäki kärhanasy tarapyndan döredildi we 2025-nji ýylyň sentýabrynda resmi taýdan hödürlendi. Yzygiderli önümçilik awgustda Şanhaýdaky zawodda başlady.
Elektromobiliň güýç enjamynyň kuwwaty 579 kWt, CLTC sikli boýunça geçýän menzili 770 km ýetýär.
AUDI E5 Sportback güýç enjamynyň dört görnüşi, şol sanda yzky herekete getiriji we quattro doly herekete getiriji bilen hödürlenýär. Iň kuwwatly wersiýa 100 km/sag çenli tizligini 3,4 sekuntda artdyrýar.
2025-nji ýylyň noýabrynda AUDI Guançžoudaky awtosalonda AUDI E SUV ulagynyň hem konseptini görkezdi. Onuň esasynda 2026-njy ýylda hytaý bazaryna çykaryljak AUDI E7X elektromobili dörediler.
