Hytaýyň internet ägirdi Baidu noýabr aýynda emeli aň infrastrukturasynda ulanylýan M100 we M300 atly dürli tizlendirijilerini hödürledi. Munuň özi Hytaýyň amerikan tehnologiýalaryna baglylygyny azaltmak bilen çäklenmän, ýerli tehnologiýa kompaniýalarynyň uly dil modellerini taýýarlamak üçin zerur bolan has uly hasaplaýyş mümkinçilikleriniň täze güýçli serişdesini hem döredýär.
Modeliň taýýar görnüşi boýunça işlemek (inference) üçin niýetlenen M100 çipi geljek ýylyň başynda elýeterli bolar, has köp ugurly M300 bolsa 2027-nji ýyldan çykarylyp başlar. Maýadarlar bu habara höwes bilen seslendiler, sebäbi Baidu kompaniýasynyň öz tizlendirijileriniň peýda bolmagy kompaniýanyň işewürligini pugtalandyrar we beýleki hytaý bazara gatnaşyjylarynyň hem ünsüni çeker.
JPMorganyň çaklamalaryna görä, täze önümleriň kömegi bilen Baidu geljek ýyl çip satuwyndan girdejisini alty esse artdyryp, 1,1 milliard dollara ýetirip biler, degişli bölüminiň bazar bahasy bolsa 28 milliard dollara çenli baryp biler. Baidu kompaniýasy Huawei Technologies kompaniýasy üçin örän çynlakaý bäsdeş bolýar, şeýle hem bazarda Baidu ýaly ýene bir üpjün edijiniň peýda bolmagy ýurduň ähli AI pudagyna oňyn täsir eder.
