Blue Origin kosmos kompaniýasy serişdelerini NASA bilen baglaşylan şertnamalara gönükdirmek maksady bilen, suborbital uçuşlary azyndan iki ýyl möhlet bilen togtadýar. Bu çözgüt Artemis Aý maksatnamasyny durmuşa geçirmegiň zerurlygy bilen düşündirilýär.
2021-nji ýyldan bäri ulanylýan New Shepard raketasy Günbatar Tehasdan 38 uçuşy amala aşyryp, 98 ýolagçyny kosmosyň serhedine çykardy. Iň soňky uçuş geçen hepde boldy. Nobata garaşýan syýahatçylaryň köpdügine garamazdan, häzirki wagtda ileri tutulýan ugur astronawtlary Aýa gondurmak üçin gonuş modulyny işläp taýýarlamak hasaplanýar.
NASA bilen baglaşylan şertnamanyň bahasy 3,4 mlrd dollar möçberinde bahalandyrylýar, bu bolsa täjirçilik uçuşlaryndan gelýän girdejiden has ýokarydyr. ABŞ-nyň Kosmos edarasy SpaceX-de gijikdirmeleriň bolýan wagty Blue Origin bilen işleri çaltlaşdyrmak mümkinçiligine seredýär. New Shepard raketasynda synagdan geçirilen köp gezeklik gonuş tehnologiýalary ýük göterijiligi 45 tonna çenli bolan New Glenn agyr raketasyny döretmekde ulanylar.
