Las Vegasda geçirilen ýyllyk CES 2026 sergisi tamamlandy! Bu sergi, tehnologik ösüşiň nähili çalt hereket edýändigini ýene bir gezek subut etdi. MWC ýa-da IFA ýaly beýleki sergilerden tapawutlylykda, CES-de diňe bir enjamlaryň täzelenmegi däl, eýsem düýbünden täze we rewolýusion tehnologiýalar görkezilýär.
Mazmuny
Ine, bu ýyl sergide görkezilen, akylly öýlerden başlap täze nesil smartfonlara çenli iň üýtgeşik tehnologiýalar:
📱 Täze nesil eplenýän smartfonlar
Samsung we Motorola bu ýyl eplenýän telefonlar bazarynda uly öňegidişlik etdiler.
- Samsung Galaxy Z TriFold: Samsungyň iň uly taslamasy. Bu smartfon iki ýerden eplenýär we açylanda 10 dýuýmlyk uly bir planşete öwrülýär. Içinde “Snapdragon 8 Elite” prosessory we 5400 mAh güýçli batareýasy bar. Üstelik, ekrany üç bölege bölüp, üç programmany bir wagtda ulanyp bolýar.
- Motorola Razr Fold: Motorola hem “kitap” görnüşli ilkinji eplenýän telefonyny hödürledi. 8,1 dýuýmlyk içerki ekrany we arassa Android ulgamy bilen Google Pixel Fold-a güýçli bäsdeş bolup geldi.
🖥️ Gözüňi gamaşdyrýan ekranlar
- TCL NXTPAPER 70 Pro: Göz saglygyny goraýan telefon. 6,9 dýuýmlyk mat (ýalpyldamaýan) ekrany edil kagyz ýaly görünýär. Kitap okamak üçin niýetlenen bu ekranda ýalpyldy ýok we gözüňi ýadatmaýar.
- LG-den 720 Hz Monitor: LG dünýäniň iň çalt oýun monitorlaryndan birini görkezdi. 27 dýuýmlyk bu OLED ekran, oýun rejiminde 720 Hz täzeleniş tizligine ýetip bilýär.
- Acer Predator X34 F3: Samsungyň QD-OLED paneli bilen üpjün edilen bu giň ekranly monitor 360 Hz tizlik hödürleýär we bahasy takmynan 1200 dollar bolar.
🎮 Oýun we AR (Artdyrylan hakykat)
- Lenovo Legion Go 2: SteamOS ulgamy bilen işleýän täze el konsoly. “AMD Ryzen Z2 Extreme” prosessory we OLED ekrany bilen gelýän bu enjam, 2026-njy ýylyň ortalarynda satuwa çykar.
- ASUS ROG XREAL R1: Oýunçylar üçin ýörite AR äýnekler. Her göze 240 Hz tizlikde görüntü berýär we bary-ýogy 3 millisekun gijikme bilen işleýär.
💻 Noutbuklar we Kompýuterler
- Samsung Galaxy Book 6: Intel-iň täze “Panther Lake” prosessorlary we NVIDIA RTX 50 seriýaly wideo kartalary bilen güýçlendirilen täze noutbuklar. Batareýasy 30 sagada çenli saklap bilýär.
- Lenovo Yoga Mini i: Bary-ýogy 600 gram agramy bolan, stoluň üstünde ýer tutmaýan kiçijik “silindr” görnüşli kompýuter. Ýöne güýji uly; Intel Core Ultra prosessory bilen gelýär.
🏠 Akylly öý enjamlary we robotlar
- Roborock Saros Rover: Bu robot-supurjy adaty tekerleriň ýerine “aýaklary” ulanýar. Şeýlelikde, basgançaklardan (lebiçlerden) ýokary çykyp we düşüp bilýär.
- XGIMI Memo One: AI (Emeli aň) bilen işleýän akylly äýnekler. Terjime etmek, bellik almak ýaly işleri ýerine ýetirýär we bary-ýogy 29 gram agramynda.
CES 2026 sergisi tehnologiýanyň has ykjam, has akylly we emeli intellekt (AI) bilen doly integrirlenen geljege tarap barýandygyny görkezdi.
Bu makalany peýdaly gördüňizmi?Derrew täzelikleri almak üçin Google-da Gorogly.com-y yzarlaň.
+ Yzarlaň
