Google kompaniýasy Android üçin Chrome mobil brauzerinde goşmaça sahypalary berkitmek funksiýasyny döretdi we ony synagdan geçirmäge başlady. Ulanyjylar üçin örän möhüm goşmaça sahypalary tötänleýin ýapmagy kynlaşdyrýan bu mümkinçilik, Chrome Canary atly ilkinji synag gurluşynda eýýäm standart görnüşde elýeterlidir.
Chrome mobil brauzeriniň durnukly wersiýasynda bu funksiýany işjeňleşdirmek üçin ulanyjylar degişli baýdagy ($chrome://flags/#android-pinned-tabs$) işjeňleşdirmeli we brauzeri täzeden başlatmaly. Şondan soň, goşmaça sahypalaryň umumy görnüşi ekranynda uzak wagtlap basylanda, açylýan menýuda Pin (“Berkitmek”) opsiýasy peýda bolar.
Goşmaça sahypa berkidilende ýokarky sag burçda haç nyşanjygynyň ýerine temençe nyşanjygy peýda bolýar. Goşmaça sahypanyň üstünden gaýtadan uzak wagtlap basmak bilen, temençäni aýryp bolýar. Menýuda “Ähli wkladkalary ýap” düwmesine basmak bilen berkidilen goşmaça sahypalaryň hem aýrylýandygyny bellemek gerek.
