Even Realities täze nesil “G2” akylly äýneklerini eýýäm tanyşdyrdy. Täze model öňki konsepsiýadan çykman, kamera we dinamikler gurnalmadyk, iň ýeňil we ýönekeý görnüşde işlendi. Hünärmenleriň pikiriçe, bu çemeleşme gündelik ulanyşa laýyk, göze ilmeýän we amatly enjam döretmäge mümkinçilik berýär.
Äýnegiň mümkinçilikleri we ähmiýeti
“G2” modeli G1 bilen meňzeş minimalist dizaýny saklaýar. Enjamyň esasy mümkinçilikleri monohrom proýeksiýa displeýi arkaly ýerine ýetirilýär. Ulanyjy:
- ugur görkezmelerini gözüniň öňünde alyp biler
- dessine terjime edip biler
- teleprompter görnüşinde tekst okap biler
- bellik ýazyp biler
- emeli intellekt bilen işleşip biler
Enjamyň iki günden gowrak işleýän batareýasy we IP67 gorag derejesi ony syýahatda, açyk howada we gündelik şertlerde ulanmaga amatly edýär.
Modeliň aýratynlyklary
Täze nesildeki iň möhüm täzelik — aýratyn satylýan R1 Smart Ring dolandyryş halkasynyň goşulmagydyr. Halkanyň kömegi bilen:
- interfeýsi dolandyrmak
- buýruklary saýlamak
saglyk we fiziki işjeňlik görkezijilerine gözegçilik etmek mümkindir.
G2 Glasses we R1 Smart Ring bilelikde ýeke-täk akylly ekosistemany emele getirýär. Bu utgaşyk äýnekleri adaty aksessuardan ýokary derejeli akylly enjam derejesine ýetirýär: ulanyjy maglumatlary gözüniň öňünde göni görýär we telefon ulanmazdan, diňe halka arkaly dolandyryp bilýär.
Töräýew Allaberdi
Türkmen oba hojalyk institutynyň weterinar lukmançylygy fakultetiniň oba hojalygynyň ykdysadyýeti we dolandyrylyşy taýýarlyk ugrunyň 2-nji ýyl talyby
