Google bilen Epic Games bäş ýyl dowam eden kazyýet jedellerinden soň, özara dawany soňlajak “ählitaraplaýyn ylalaşyk” gazanandyklar we bu babatdaky resminamalarynyň kazyýet tarapyndan tassyklanmagyna garaşýarlar.
Täze ylalaşygyň çäklerinde, Google Play dükanynda indi üçünji taraplaryň programma dükanlaryny göçürip almak mümkinçiligi peýda bolar. Mundan daşary, programmalar we oýunlar bilen işleýän işläp düzüjiler ulanyjylara Google kompaniýasynyň resmi töleg ulgamyny aýlap geçýän alternatiw töleg usullaryny hödürläp bilerler. Ylalaşyk boýunça goşmaça jikme-jiklikler häzirlikçe açylmady.
Bu jedel Epic Games kompaniýasynyň Fortnite oýnuna özbaşdak içerki satyn alyş ulgamyny girizmeginden soň başlanypdy. Epic bu ugurda Google we Apple kompaniýalarynyň komissiýalaryndan aýlanyp geçipdi. Şondan soň iki kompaniýa hem Fortnite-y öz dükanyndan aýyrdy, Epic bolsa olary monopolistik syýasat ýöretmekde aýyplap kazyýete ýüz tutdy.
2024-nji ýylda Kaliforniýadaky kazyýet karary Epic Games kompaniýasynyň peýdasyna çykaryp, Google kompaniýasynyň üç ýylyň dowamynda Google Play arkaly üçünji tarap programma dükanlaryny göçürip almaga mümkinçilik bermegi talap edipdi. 2025-nji ýylyň iýulynda şikaýat kazyýeti bu karary tassyklady. Häzir gazanylan täze ylalaşyk bolsa şol öňki çözgütleri resmileşdirýär we durmuşa geçirmegi üpjün edýär.
![Pinterest](https://pinterest.com/pin/create/button/?url=https%3A%2F%2Fgorogly.com%2Ftehnologiya%2Fgoogle-we-epic-games-ahlitaraplayyn-ylalasyk-gazandylar%2F&media=
https://gorogly.com/wp-content/uploads/2025/11/Google.jpg &description=%%title%% Google bilen Epic Games özara dawany soňlajak "ählitaraplaýyn ylalaşyk" gazanandyklar){kind=link}