Geçen ýyl tehnologiýa dünýäsinde uly seslenlenme döreden akylly telefon konsepti bolan Honor Robot Phone indi global derejede tanyşdyryldy. MWC 2026 sergisiniň öňüsyrasynda görkezilen bu enjam, adaty bir akylly telefon bolmakdan has ileri geçip, zerur bolan wagty jübiňizde göterip biljek robot kömekçi konsepti hökmünde taýýarlanypdyr.
Üýtgeşik dizaýn: Jübiňizdäki Robot
Bu telefonyň iň köp üns çekýän we uly gyzyklanma döreden aýratynlygy, arka tarapyndan çykýan robot “kellesi” arkaly ulanyjysyny skanlamagy we onuň bilen özara täsirleşmegidir. Bu aýratynlyk telefony diňe bir aragatnaşyk guraly däl, eýsem janly emeli aň tejribesini hödürleýän hakyky we somut (göz bilen görülýän) kömekçä öwürýär.
Flagman güýji we Emeli aň
Honor Robot Phone diňe bir dizaýny bilen däl, eýsem tehniki taýdan hem iň ýokary derejäni nyşana alýar:
Prosessor: Bu täze konsept telefonyň ýüreginde iň güýçli Snapdragon 8 Elite çipseti ýerleşýär.
Emeli Aň: Enjam göni telefonyň özünde işleýän kämil emeli aň tehnologiýalaryndan güýç alýar we munuň netijesinde gaty çalt işleýär.
Kamera we Özara Täsir: Flagman derejesindäki şekillendiriş ukyby bilen akylly özara täsirleşme birleşdirilip, ulanyjylara düýbünden täze we täsirli bir emeli aň tejribesi hödürlenýär.
